ఈ మధ్య కాలంలో తెలుగు నిర్మాతలు ఇతర భాషలలో సూపర్ హిట్ విజయాలను అందుకున్న సినిమాల హక్కులను కొని ఆ సినిమాలను రీమేక్ చేసి విడుదల చేయడం కంటే కూడా ఆ సినిమా హక్కులను కొని వాటిని డబ్బింగ్ చేసి విడుదల చేయడంపై చాలా ఆసక్తిని చూపిస్తున్నారు. అందులో భాగంగా పోయిన సంవత్సరం కన్నడ సినిమా ఇండస్ట్రీ లో సూపర్ హెడ్ విజయం సాధించినటువంటి కాంతారా మూవీ నేరుగా తెలుగు లో డబ్బింగ్ చేసి విడుదల చేసిన అల్లు అరవింద్ ఈ మూవీ తో అద్భుతమైన లాభాలను అందుకున్నాడు.

అలాగా తమిళం లో సూపర్ హిట్ విజయం అందుకున్నటు వంటి లవ్ టుడే మూవీ ని ప్రముఖ నిర్మాత దిల్ రాజు తెలుగులో డబ్బింగ్ చేసి విడుదల చేసి భారీ లాభాలను అందుకున్నాడు. ఇది ఇలా ఉంటే ఈ బాట లోనే మరో సారి అల్లు అరవింద్ తమిళ బాక్స్ ఆఫీస్ దగ్గర సూపర్ హిట్ విజయం అందుకున్న విడుతలై పార్ట్ 1 సినిమాను డబ్బింగ్ చేసి తెలుగు లో విడుదల చేయబోతున్నాడు. ఈ మూవీ ని తెలుగు లో విడుదల పేరుతో ఏప్రిల్ 15 వ తేదీన థియేటర్ లలో విడుదల చేయనున్నారు. ఇప్పటికే ఈ మూవీ విడుదల తేదీని కూడా చిత్ర బృందం అధికారికంగా ప్రకటించింది. 

ఈ మూవీ కి సంబంధించిన తెలుగు ట్రైలర్ ను కూడా ఈ చిత్ర బృందం విడుదల చేసింది. ఈ మూవీ తెలుగు వర్షన్ ట్రైలర్ కు ప్రేక్షకుల నుండి సూపర్ రెస్పాన్స్ లభిస్తుంది. కమెడియన్ సూరి హీరో గా నటించిన ఈ మూవీ లో విజయ్ సేతుపతి ఒక కీలకమైన పాత్రలో నటించగా ... ఈ మూవీ కి వేట్రి మారన్ దర్శకత్వం వహించాడు. ఇది ఇలా ఉంటే తాజాగా ఈ మూవీ యూనిట్ ఈ సినిమా రన్ టైమ్ ను లాక్ చేసినట్లు తెలుస్తోంది. ఈ మూవీ ని 2 గంటల 30 నిమిషాల నిడివి తో  ప్రేక్షకుల ముందుకు తీసుకురానున్నట్లు సమాచారం.

మరింత సమాచారం తెలుసుకోండి:

soori

Pulgam Srinivas

10/04/2023 06:04 PM