ఈ టీజర్ ఆరంభంలో సినిమాకు కీలకమైన హస్త సాముద్రికం చూపించారు. ఆ చేయి మీదుగా కొండలు, ఆపై ఓ రైలు, ఆ రైలులో ప్రపంచ ప్రఖ్యాత ప్రేమికులను పరిచయం చేస్తూ.. ఆ తరువాత రైలులో నుండి బయటకు ఎగురుతున్న ఒక సున్నీ.. ఆ చున్నీని ఓ చేయి పట్టుకోవడం.. ఆ ట్రైన్ డోర్ దగ్గర హీరోయిన్ కనిపించడం.. ఆ వెంటనే హీరో తన భారీ పర్సనాలిటీతో ఒక కాలు ట్రైన్ మీద.. మరో కాలు గాలిగా వేసి కనిపించడంతో పోస్టర్ పూర్తవుతుంది.
దీనికి జస్టిన్ ప్రభాకరన్ అందించిన అద్భుతమైన బ్యాక్ గ్రౌండ్ మ్యూజిక్ ప్లస్ అయింది. ఈ టీజర్ లో ప్రభాస్, పూజాహెగ్డే ల జంటగా అదుర్స్ అంటూ అభిమానులు కామెంట్స్ చేస్తున్నారు. ‘జిల్’ ఫేమ్ రాధాకృష్ణ కుమార్ దర్శకత్వంలో ఈ సినిమా రూపొందుతోంది. కృష్ణంరాజు సమర్పణలో యువీ క్రియేషన్స్, టీ సిరీస్ బ్యానర్స్పై సినిమా నిర్మితమవుతోంది. కరోనా కారణంగా గత కొన్ని నెలలుగా షూటింగ్ నిలిపివేసిన యూనిట్.. ప్రస్తుతం ఇటలీలో మిగిలిన భాగం షూటింగ్ చేస్తోంది. ఈ సినిమాపై ప్రభాస్ అభిమానులు భారీ అంచనాలు పెట్టుకున్నారు.తెలుగు, తమిళ, హిందీ, మలయాళ, కన్నడ భాషల్లో ఈ సినిమాను విడుదల చేయనున్నారు.