ఎప్పుడూ నవ్వుతూ అందరితో సరదాగా ఉండే లాస్య ఎలిమినేట్ అవడం ఏంటి అని ఆశ్చర్యంలో మునిగిపోయారు. కానీ బిగ్బాస్ చేతిలో ఏముంది అంతా ప్రేక్షకుల చేతిలోనే ఉంది. 11వ వారం తర్వాత బయటకు వచ్చేసింది లాస్య. 77 రోజులు బిగ్ బాస్ హౌస్ లో అలరించింది లాస్య. అయితే లాస్య వచ్చీ రాగానే తమ కుటుంబీకుల నుంచి ఒక అద్భుతమైన వెల్కమ్ లభించింది ముఖ్యంగా అయితే ఈమె కోసం ఒక స్పెషల్ సర్ప్రైజ్ ప్లాన్ చేసాడు భర్త మంజునాథ. లాస్య ఎలిమినేట్ అయి ఇంటికి వస్తుంది అని తెలియగానే భర్త మంజునాథ లాస్య కోసం ఒక స్పెషల్ ట్రీట్ కూడా సిద్ధం చేశాడు.
లాస్య కు ఎంతో ఇష్టమైన ఆలూ ఫ్రై చేస్తున్నట్లు వీడియో చేశాడు మంజునాథ్. తన చేతితో చేసిన వంట అంటే తన భార్యకు ఎంతో ఇష్టమని అందుకే ప్రస్తుతం లాస్య కు సర్ప్రైజ్ ఇవ్వడానికి చేసి పెడుతున్న అంటూ చెప్పుకొచ్చాడు. ఇక లాస్య ఇంట్లోకి అడుగుపెట్టిన వెంటనే వెల్ కమ్ బ్యాక్ లాస్య అంటూ పెద్ద స్క్రీన్ లో ఒక ప్రత్యేకమైన ఫోటోలను జతచేసి సర్ప్రైజ్ ఇచ్చాడు. అంతే కాకుండా తన కొడుకుతో కలిసి కేక్ కట్ చేయించాడు. కాగా బిగ్ బాస్ హౌస్ నుండి బయటకు వచ్చిన భాదను మరిచిపోయి తన కుటుంబంతో కలిసి ఎంతో సంతోషకరమైన క్షణాలను గడిపింది.