దీనిని బట్టి చూస్తే మన తెలుగు ప్రేక్షకులు తమిళ హీరోలను ఆదరించినంతగా మరే ఇతర సినిమా పరిశ్రమ హీరోలను ఆదరించలేకపోతున్నారు. అయితే కొంతమంది మలయాళం మరియు కన్నడ ఇండస్ట్రీకి చెందిన హీరోలు తమ అదృష్టాన్ని పరీక్షించుకునేందుకు మన తెలుగు వారి ముందుకొచ్చారు. కానీ వారి ప్రయత్నాలు ఫలించలేదు. తెలుగు వారికి కన్నడ హీరోలు అసలు తెలీకపోవడం ప్రధాన కారణం కావొచ్చు. అయితే కెజిఎఫ్ మూవీ తరువాత కనడ సినిమా గురించి కొంతవరకు మన తెలుగు వారికి తెలిసింది. కెజిఎఫ్ ఇచ్చిన విజయంతో కన్నడ హీరోలు వారి సినిమాలను తెలుగులో డబ్ చేశారు. ఇటీవల వరుసగా మూడు కన్నడ సినిమాలు మన ముందుకొచ్చాయి. వీరిలో ముఖ్యంగా దర్శన్ మరియు కన్నడ సూపర్ స్టార్ పునీత్ రాజ్ కుమార్ లు వారి సినిమాలను తెలుగులో విడుదల చేశారు.
ఈ సినిమాల ప్రమోషన్ కార్యక్రమాలకు భారీగా ఖర్చు చేశారు, అయినా కూడా తెలుగు ప్రేక్షకులను ఆకట్టుకోవడంలో వీరి సినిమాలు విఫలమయ్యాయి. హిట్ కాదు కదా కనీసం...సరైన ఓపెనింగ్స్ కూడా ఈ సినిమాలు దక్కించుకోలేకపోయాయి. అయితే ఎన్నో అంచనాలతో వచ్చిన పునీత్ రాజ్ కుమార్ యువరత్న సినిమా దారుణమైన ఫలితాన్ని ఇచ్చింది. ఈ సినిమా కథ పాత తెలుగు మాస్ కథలాగే ఉందని కొందరు చెబుతున్నారు. దేనికిని బట్టి చూస్తే తెలుగు ప్రేక్షకులు ఇతర ఇండస్ట్రీ హీరోలను ఆదరించాలంటే కెజిఎఫ్ లాంటి సినిమాలను మరియు మంచి అద్భుతమైన కథలను తెరకెక్కించాలి అని సినీ ప్రముఖులు అభిప్రాయపడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి