పవర్ స్టార్ పవన్ కళ్యాణ్ దాదాపు మూడేళ్ల తరువాత "వకీల్ సాబ్ " సినిమాతో ప్రేక్షకుల ముందుకు వచ్చిన సంగతి తెలిసిందే. ఈ సినిమాని దిల్ రాజు నిర్మించగా వేణు శ్రీ రామ్ దర్శకత్వం వహించాడు.వకీల్ సాబ్‌ మూవీ చూసి సూపర్ స్టార్ మహేష్ బాబు తనదైన శైలిలో ఈ సినిమాపై తన అభిప్రాయాన్ని వెల్లడించారు. వివరాల్లోకి వెళితే.. ఈ శుక్రవారం (ఏప్రిల్ 9)న ప్రపంచ వ్యాప్తంగా విడుదలైన 'వకీల్ సాబ్' మూవీ పాజిటివ్ టాక్‌తో దూసుకుపోతుంది. దాదాపు మూడేళ్ల లాంగ్ గ్యాప్ తర్వాత పవన్ కళ్యాణ్ రీ ఎంట్రీ ఇచ్చిన మూవీ పై అన్ని వర్గాల నుంచి పాజిటివ్ బజ్ వినబడుతోంది.


ఇప్పటికే సినీ ఇండస్ట్రీకి చెందిన పలువురు ప్రముఖులు ఈ సినిమా చూసి పవన్ కళ్యాణ్.. పవర్ ప్యాక్‌డ్ పర్ఫామెన్స్ అంటూ మెచ్చుకుంటున్నారు.ఇక సూపర్ స్టార్ మహేష్ బాబు కూడా ..'వకీల్ సాబ్' మూవీ చూసి పవన్ కళ్యాణ్ నటనతో పాటు ప్రకాష్ రాజ్ యాక్టింగ్‌ను మెచ్చుకున్నారు. చాలా కాలం తర్వాత అసలు సిసలైన కోర్టు రూమ్ డ్రామాగా తెరకెక్కిన 'వకీల్ సాబ్' అందరు చూడాల్సిన సినిమా అంటూ మెచ్చుకున్నారు. ఈ సందర్భంగా పవన్ కళ్యాణ్, ప్రకాష్ రాజ్‌తో పాటు ఈ సినిమాలో నటించిన అంజలి, నివేదా, అనన్య నాగళ్ల నటనను సూపర్ స్టార్ మహేష్ బాబు కొనియాడారు.


ఇక వేరే హీరో ట్వీట్ చేసిన పట్టించుకునేవారు కాదు గాని సూపర్ స్టార్ మహేష్ బాబు ట్వీట్ చెయ్యడంతో పవర్ స్టార్ పవన్ కళ్యాణ్ ఫ్యాన్స్ ఫుల్ ఖుషి అవుతున్నారు. మహేష్ కి థాంక్స్ చెప్తూ మహేష్, పవన్ దిగిన ఫోటోని తెగ షేర్ చేస్తున్నారు. ఎలా అయినా పవర్ స్టార్ తో కలిసి ఒక మూవీ చెయ్యండి అని పవర్ స్టార్ ఫ్యాన్స్ సూపర్ స్టార్ ని కోరుతున్నారు.నిజం చెప్పాలంటే టాలీవుడ్ లో మహేష్ కి పవన్ కి ఎప్పట్నుంచో పోటీ వుంది. ఇద్దరూ పెద్ద స్టార్స్ కావడంతో ఫ్యాన్ వార్స్ అనేవి జరగడం కామన్. కాని మహేష్ ఎలాంటి ఈగో లేకుండా పవన్ కళ్యాణ్ గురించి ట్వీట్ చెయ్యడం ఆయన మంచి తనానికి నిదర్శనం అని చెప్పాలి. పవర్ స్టార్ ఫ్యాన్స్ తో పాటు సూపర్ స్టార్ ఫ్యాన్స్ కూడా మా బాబు బంగారం అంటూ పొగడ్తలతో ముంచెత్తుతున్నారు..





మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Mahesh babu Pawan kalyan mahesh ananya pandey prakash raj ananya anjali kushi sree raam tollywood twitter hero ananya nagalla

Purushottham Vinay

11/04/2021 12:32 PM