అయితే ఈ సినిమాలో స్క్రీన్‌పై కూడా అల్లు అర్జున్ తర్వాత ఎక్కువగా వినిపించే పేరు కేశవ. అయితే కేశవ పాత్రలో నటించిన వ్యక్తి అసలు పేరు.. జగదీష్. ఆయన చిత్ర పరిశ్రమలో నాలుగేళ్లుగా పడుతున్న కష్టానికి దక్కిన ఫలితం కేశవ పాత్ర అంటూ చెప్పుకొచ్చాడు. ఈ సినిమాలో కేశవ పాత్ర కోసం ఎంతో మందిని అనుకున్నారట. అలా సంప్రదించిన వారిలో మహేష్ విట్టా కూడా దాదాపుగా సెలెక్ట్ అయ్యాడనే వార్తలు బాగా వినపడ్డాయి. అయితే మహేష్ విట్టా కూడా ఆ పాత్ర కోసం ఆడిషన్‌కు వెళ్లినట్టు సమాచారం.
తాజాగా ఆయన ఓ ఇంటర్వ్యూలో మాట్లాడుతూ.. కేశవ పాత్ర కోసం తనతో పాటు ఎంతోమంది ఆడిషన్‌కి వచ్చినట్లు ఆయన చెప్పుకొచ్చారు. ఆ సినిమాలో కొన్ని సీన్లను తనకి చెప్పినట్లుగా తెలిపారు. అంతేకాదు.. తనకు కూడా నచ్చడంతో అంతా ఓకే అనుకున్నామని వెల్లడించారు. అయితే చివరికి తనను పిలవకుండా వేరొక అబ్బాయిని తీసుకున్నారని చెప్పుకొచ్చాడు. ఇక అందుకు ప్రధాన కారణం ఏంటంటే.. ఈ సినిమాకి 2 సంవత్సరాల టైం కేటాయిస్తారో లేదో అని ఆలోచించినట్లుగా వారు అనుకున్నారని తన స్నేహితులు తెలియజేశారని మహేష్ చెప్పుకొచ్చాడు. కాగా.. మహేష్ కి తెరపై కేశవ పాత్రను చూసి చాలా సంతోషం అనిపించింది.. తనకు కథ ఎలా చెప్పారో అలాగే తీశారని చెప్పుకొచ్చాడు.
