ഒ.ടി.ടി. റിലീസുകൾക്കെതിരെ ഫിയോക്ക് രംഗത്ത്; തീയേറ്റർ റിലീസുകൾ 42 ദിവസങ്ങൾക്കു ശേഷം മാത്രം ഒ.ടി.ടി.യിൽ! തീയേറ്റർ റിലീസ് കഴിഞ്ഞ് 42 ദിവസങ്ങൾക്ക് ശേഷം മാത്രമേ സിനിമ ഒ.ടി.ടി.യിൽ പ്രദർശിപ്പിക്കാൻ അനുവദിക്കൂ. ഇത് കർശനമായും നടപ്പിലാക്കും എന്ന നിലപാടിലാണ് ഫിയോക്ക്. നടൻ ദുൽഖർ സൽമാനെ വിലക്കിയ നടപടി ഫിയോക്ക് പിൻവലിച്ചിരുന്നു. സല്യൂട്ടിന്റെ ഒ.ടി.ടി. റിലീസ് വൈകിയാൽ നേരിട്ടേക്കാവുന്ന നിയമ നടപടികൾ കണക്കിലെടുത്താണ് വിലക്ക് നീക്കിയത്.പുതിയ സിനിമകൾ തീയേറ്ററിൽ നിന്നും ഒ.ടി.ടി.യിലേക്ക് പോകുന്നതിനെതിരെ നിലപാട് കടുപ്പിച്ച് തീയേറ്റർ ഉടമകളുടെ സംഘടനയായ ഫെഫ്ക. ചെയർമാൻ സ്ഥാനത്തു നിന്നും നടൻ ദിലീപിനെ നീക്കുന്ന നടപടി നീട്ടിവെക്കാനും ഫിയോക്ക് തീരുമാനിച്ചു.
ചെയർമാൻ, വൈസ് ചെയർമാൻ സ്ഥാനങ്ങളിൽ സ്ഥിരമായി ഒരാൾ തുടരുകയും അതിലേക്ക് തിരഞ്ഞെടുപ്പ് നടത്തതെയും ഇരിക്കുന്ന സാഹചര്യത്തിൽ ഭരണഘടനയിൽ മാറ്റംവരുത്താൻ ഫിയോക്ക് തീരുമാനിച്ചിരുന്നു. ഈ ഭരണഘടന ഭോദഗതി കൊണ്ടുവരുന്നതിൽ നിയമോപദേശം നൽകുന്നത് രണ്ടുമാസത്തേക്ക് നീട്ടിവെച്ചു. കേസിന്റെ പേരിൽ ദിലീപ് സ്ഥാനം ഒഴിയേണ്ടതില്ലെന്നും ഫിയോക്ക് വ്യക്തമാക്കി. സല്യൂട്ട് ഒ.ടി.ടി.യിൽ റിലീസ് ചെയ്യാനുള്ള തീരുമാനത്തെ തുടർന്നാണ് തീയേറ്റർ ഉടമകൾ പ്രതിഷേധവുമായി രംഗത്തു വന്നത്. എന്നാൽ ഒ.ടി.ടി. റിലീസുമായി ബന്ധഘപ്പെട്ട കരാറിൽ കാലതാമസം വരികയോ ലംഘിക്കപ്പെടുകയോ ചെയ്താൽ നിയമ നടപടികൾ നേരിടേണ്ടിവരും.
ഇത് വിശദീകരിച്ചതോടെയാണ് വിലക്ക് നീക്കാൻ ഫിയോക്ക് തയ്യാറായത്. ഏതെങ്കിലും താരങ്ങൾക്ക് തീയേറ്ററുകൾ വേണ്ടെങ്കിൽ അത്തരം താരങ്ങളെ തീയേറ്ററുകൾക്കും വേണ്ടെന്ന് ഫിയോക്ക് വ്യക്തമാക്കി. 42 ദിവസം തിയേറ്ററുകളിൽ പ്രദർശിപ്പിച്ചശേഷം സിനിമകൾ ഒ.ടി.ടിയിൽ റിലീസ് ചെയ്യാൻ അനുമതി നൽകി. താരങ്ങളുടെ ഫാൻസുകാർക്ക് വേണ്ടി പ്രദർശനം നടത്തേണ്ടെന്ന തീരുമാനം പിൻവലിച്ചു. ഇക്കാര്യം തിയേറ്ററുടമയ്ക്ക് തീരുമാനിക്കാം. അന്യഭാഷാ ചിത്രങ്ങൾ വരുമാനത്തിന്റെ 55 ശതമാനം തിയേറ്ററുകൾക്ക് നൽകണം.
സംഘടനയുടെ വൈസ് ചെയർമാൻ സ്ഥാനത്തു നിന്ന് ആന്റണി പെരുമ്പാവൂർ രാജിക്കത്ത് നൽകിയിട്ടില്ലെന്ന് ഫിയോക് പ്രസിഡന്റ് കെ. വിജയകുമാർ പറഞ്ഞു. ചെയർമാൻ, വൈസ് ചെയർമാൻ പദവികൾ ആജീവനാന്തം വഹിക്കുന്നത് ഒഴിവാക്കാൻ സംഘടനയുടെ നിയമാവലി ദേദഗതി ചെയ്യുന്നത് നിയമോപദേശത്തിനു ശേഷം തീരുമാനിക്കും. മറ്റു സംഘടനയിൽ ഭാരവാഹികളായവർ ഫിയോക്കിൽ ഭാരവാഹികളാകരുതെന്ന ഭേദഗതിയും പരിഗണിക്കുന്നതായി അദ്ദേഹം പറഞ്ഞു.
Find out more:
click and follow Indiaherald WhatsApp channel