നടിയെ ആക്രമിച്ച കേസ്; തുടരന്വേഷണത്തിനുള്ള സമയം നീട്ടി! ഒന്നരമാസം കൂടിയാണ് ഇപ്പോൾ സമയം നീട്ടി നൽകിയിരിക്കുന്നത്. തുടരന്വേഷണത്തിന് ശേഷമുള്ള റിപ്പോർട്ട് വിചാരണക്കോടതിയിൽ സ‍മർപ്പിക്കാൻ ഹൈക്കോടതി അനുവദിച്ച സമയം ഇക്കഴിഞ്ഞ 30ന് അവസാനിച്ചതിനാലാണ് പ്രോസിക്യൂഷൻ കൂടുതൽ സമയം തേടിയത്. കൊച്ചിയിൽ നടിയെ ആക്രമിച്ച കേസിൽ തുടരന്വേഷണത്തിനായുള്ള സമയം നീട്ടി നൽകി ഹൈക്കോടതി. എന്നാൽ വിചാരണ വൈകിക്കാനാണ് കൂടുതൽ സമയം ആവശ്യപ്പെട്ടിരിക്കുന്നതെന്നാണ് ദിലീപിൻറെ ആരോപണം. ഏതു വിധേനയും കസ്റ്റഡിയിൽ വാങ്ങുകയും ഫോണിൽ നിന്ന് ദൃശ്യങ്ങൾ കണ്ടെത്തിയെന്ന് വരുത്തിത്തീർക്കാനുമാണ് പൊലീസ് ലക്ഷ്യമിടുന്നതെന്നും പ്രതിഭാഗം വാദിച്ചിട്ടുണ്ട്.
ഇപ്പോൾ വിചാരണക്കോടതിയിലുള്ള നടിയെ ആക്രമിച്ച ദൃശ്യങ്ങളുള്ള മെമ്മറികാർഡിൻറെ ഹാഷ് വാല്യുവിൽ മാറ്റമുണ്ടായിട്ടുണ്ട്, അതിനാൽ തന്നെ ഫൊറൻസിക് പരിശോധന ആവശ്യമാണെന്നും നിലവിൽ ലഭിച്ച ഡിജിറ്റൽ രേഖകളുടെ പരിശോധന പൂർത്തിയായിട്ടില്ലെന്നും ചൂണ്ടിക്കാണിച്ചുകൊണ്ടാണ് പ്രോസിക്യൂഷൻ സമയം നീട്ടിച്ചോദിച്ചിരുന്നത്. അതേസമയം കൊച്ചിയിൽ നടിയെ ആക്രമിച്ച കേസിൽ പ്രതിയായ നടൻ ദിലീപ് തൻറെ ഫോണിലെ ചാറ്റുകൾ ഉൾപ്പെടെയുള്ള തെളിവുകൾ നശിപ്പിച്ചെന്ന് വീണ്ടും കോടതിക്ക് മുമ്പാകെ പ്രോസിക്യൂഷൻ. നടിയെ ആക്രമിച്ച കേസിൽ ദിലീപിൻറെ ജാമ്യം റദ്ദാക്കണമെന്ന ഹർജി പരിഗണിക്കുന്നതിനിടെയാണ് പ്രോസിക്യൂഷൻ ഇക്കാര്യം കോടതിക്ക് മുമ്പാകെ അറിയിച്ചിരിക്കുന്നത്. ഇപ്പോൾ വിചാരണക്കോടതിയിലുള്ള നടിയെ ആക്രമിച്ച ദൃശ്യങ്ങളുള്ള മെമ്മറികാർഡിൻറെ ഹാഷ് വാല്യുവിൽ മാറ്റമുണ്ടായിട്ടുണ്ട്, അതിനാൽ തന്നെ ഫൊറൻസിക് പരിശോധന ആവശ്യമാണെന്നും നിലവിൽ ലഭിച്ച ഡിജിറ്റൽ രേഖകളുടെ പരിശോധന പൂർത്തിയായിട്ടില്ലെന്നും ചൂണ്ടിക്കാണിച്ചുകൊണ്ടാണ് പ്രോസിക്യൂഷൻ സമയം നീട്ടിച്ചോദിച്ചിരുന്നത്.
കേസന്വേഷിക്കുന്ന ഉദ്യോഗസ്ഥരെ വധിക്കാൻ ഗൂഢാലോചന നടത്തിയ ചാറ്റുകൾ നശിപ്പിച്ചതിന് തെളിവുകളുണ്ടെന്നും ശാസ്ത്രീയ പരിശോധന റിപ്പോർട്ടുകളുണ്ടെന്നും പ്രോസിക്യൂഷൻ കോടതിക്ക് മുമ്പാകെ അറിയിച്ചു. ഫോണിലെ വിവരങ്ങൾ ഇല്ലാതാക്കാൻ ദിലീപിന്റെ അഭിഭാഷകർ മുംബൈയിൽ പോയതിന് തെളിവുകളുണ്ടെന്നും പ്രോസിക്യൂഷൻ പറഞ്ഞു എന്നാൽ നടിയെ ആക്രമിച്ച കേസുമായി നശിപ്പിക്കപ്പെട്ട ചാറ്റുകൾക്ക് എന്ത് ബന്ധമാണുള്ളതെന്നായിരുന്നു കോടതി ചോദിച്ചിരിക്കുന്നത്.
നടിയെ ആക്രമിച്ച കേസുമായി ബന്ധപ്പെട്ട തെളിവുകളാണോ ദിലീപ് നശിപ്പിച്ചിരിക്കുന്നതെന്നും കോടതി പ്രോസിക്യൂഷനോട് ചോദിക്കുകയുണ്ടായി. എട്ടാം പ്രതിയായ ദിലീപിന്റെ ജാമ്യം റദ്ദാക്കണമെന്ന ഹർജിയിൽ തെളിവ് ഹാജരാക്കാൻ വിചാരണക്കോടതി പ്രോസിക്യൂഷന് കൂടുതൽ സമയം അനുവദിക്കുകയുണ്ടായി. പ്രോസിക്യൂഷൻ ഇന്ന് വാദം നടത്തിയെങ്കിലും കൃത്യമായ തെളിവ് ഹാജരാക്കാത്തതിൽ കോടതി കടുത്ത അതൃപ്തി രേഖപ്പെടുത്തി. ഹർജി പരിഗണിക്കുന്നത് മെയ് 26 ലേക്ക് മാറ്റിയിട്ടുമുണ്ട്.
Find out more:
click and follow Indiaherald WhatsApp channel