ഒറ്റക്കാര്യത്തിലേ അനു മോഹന് ഇഷ്ടക്കേടുള്ളൂ, ശോഭ മോഹൻ പറയുന്നു! അഭിനയിക്കാൻ ഒട്ടും താത്പര്യമില്ലാതെ അഭിനയത്തിലേക്ക് വന്ന ആളാണ് താൻ, പക്ഷെ വന്നുകഴിഞ്ഞ് സിനിമയുടെ പ്രോസസിങിനെ കുറിച്ച് അറിഞ്ഞതിന് ശേഷം വല്ലാത്ത ഇഷ്ടവും അഭിമാനവും തോന്നി എന്നാണ് വിനു മോഹൻ പറഞ്ഞത്. കൊട്ടാരക്കര ശ്രീധരൻ നായരുടെ പാരമ്പര്യം പിൻതുടർന്നാണ് മക്കളാ സായി കുമാറും ശോഭ മോഹനും എല്ലാം സിനിമയിലെത്തിയത്. ആ പാരമ്പര്യം പിൻതുടർന്ന് ശോഭ മോഹന്റെയും നാടകനടൻ കെ മോഹൻകുമാറിന്റെയും മക്കളായ വിനു മോഹനും അനു മോഹനും സിനിമയിലെത്തി. ഇപ്പോൾ മലയാള സിനിമയിൽ കാലുറപ്പിച്ചിരിക്കുകയാണ് രണ്ടു പേരും. അനു മോഹനെ സംബന്ധിച്ച് അച്ഛനും അമ്മയും തങ്ങളെ പരിഗണിച്ച രീതിയിലും വളർത്തിയ രീതിയിലും ഒന്നും ഒരു പരാതിയില്ല. പരാതി ഒരേ ഒരു കാര്യത്തിൽ മാത്രമാണത്രെ.
ചേട്ടന് വിനു എന്ന പേരിട്ടിട്ട്, എനിക്ക് ഒട്ടും ഗാഭീര്യമില്ലാത്ത അനു എന്ന പേരിട്ടു. പിന്നെ മോഹൻ എന്ന പേര് പിന്നിൽ ഉള്ളത് കൊണ്ട് സാരമില്ല. ആ പേരിട്ടതിന് മാത്രം എപ്പോഴും പരാതി പറയുമായിരുന്നത്രെ. ഇഷ്ടമല്ലെങ്കിൽ മാറ്റിക്കോളൂ എന്ന് പറഞ്ഞപ്പോൾ, അച്ഛനും അമ്മയും ഇട്ട പേരല്ലെ, ഇനിയത് മാറ്റേണ്ട എന്ന് പറഞ്ഞു. പക്ഷെ മകന് ഒരു ഗംഭീര പേരിടണം എന്ന് അന്നേ തീരുമാനിച്ചിരുന്നു. അങ്ങനെയാണ് ജെയ്ഡൻ എ മഹേശ്വരി എന്നിട്ടത്. മഹേശ്വരി എന്നാണ് അനുവിന്റെ ഭാര്യയുടെ പേര്. മക്കളിൽ തനിക്ക് ഏറ്റവും അഭിമാനം തോന്നിയത്, അവരുടെ അച്ഛൻ നഷ്ടപ്പെട്ടിട്ടും എന്നെ ആ വേദന ഒരിക്കലും അറിയിച്ചിട്ടില്ല എന്നതാണ് എന്ന് ശോഭ മോഹൻ പറയുന്നു. എന്റെ എല്ലാ കാര്യങ്ങളും അദ്ദേഹമാണ് ചെയ്തു തരുന്നത്. ഒന്നിനെ കുറിച്ചും ഞാൻ അറിയേണ്ടിയിരുന്നില്ല. പെട്ടന്ന് അങ്ങ് പോയപ്പോൾ വലിയ ശൂന്യതയായിരുന്നു. പക്ഷെ മക്കൾ രണ്ട് പേരും എന്റെ കൂടെ തന്നെ നിന്നു, ആ വേദന എന്നെ അറിയിക്കാതിരിക്കാൻ ശ്രമിച്ചു.
അക്കാര്യത്തിൽ വിനുവിനെക്കാൾ ഒരു ശതമാനം മുകളിലാണ് അനുവിന്റെ സാമിപ്യം. അവന്റെ കൂടെ തന്നെ എന്നെ കൊണ്ടു പോകും. പിന്നെ കൊച്ചുമക്കൾ എല്ലാം വന്നതിന് ശേഷം ആ സങ്കടം ഒക്കെ മാറി എന്നാണ് ശോഭ മോഹൻ പറയുന്നത്. അമ്മ ശോഭ മോഹനൊപ്പം മൈൽസ്റ്റാണിന് നൽകിയ അഭിമുഖത്തിൽ സംസാരിക്കുകയായിരുന്നു അനു. അച്ഛനും അമ്മയും അക്കാലത്ത് തിരക്കുള്ള നാടക അഭിനേതാക്കളായിരുന്നെങ്കിലും, ഞങ്ങൾ മക്കളെ അതറിയിച്ചിരുന്നില്ല. എവിടെ പോയാലും കൂടെ കൊണ്ടുപോകുമായിരുന്നു.
തീർത്തും സാധാരണക്കാരായി, എല്ലാ സ്വാതന്ത്ര്യവും നൽകിയാണ് അച്ഛനും അമ്മയും വളർത്തിയത്. വേറിട്ട രീതിയിലായിരുന്നു അച്ഛൻ ഞങ്ങളെ ഓരോ കാര്യങ്ങളും പഠിപ്പിയ്ക്കുന്നത്. അന്ന് അത് മനസ്സിലാക്കാനുള്ള പക്വത ഉണ്ടായിരുന്നില്ല. ഇന്ന് ചിന്തിയ്ക്കുമ്പോൾ എത്രത്തോളം വലിയ കാര്യങ്ങളാണ് അച്ഛൻ ശീലിപ്പിച്ചത് എന്ന് തോന്നും. ഇപ്പോൾ തന്റെ മകനെ വളർത്തുന്നതും അച്ഛൻ ഞങ്ങളെ പഠിപ്പിച്ച രീതിയിലാണ് എന്ന് അനു മോഹൻ പറയുന്നു.
Find out more:
click and follow Indiaherald WhatsApp channel