ఇక చాలా నెలలుగా వెయిట్ చేస్తున్న అవతార్ : ది వే ఆఫ్ వాటర్ సినిమా విడుదలకు సిద్ధం అయ్యింది. ఈ వారంలో ప్రపంచ వ్యాప్తంగా రిలీజ్ కాబోతున్న అవతార్ 2 సినిమా బిజినెస్ ప్రపంచ వ్యాప్తంగా కూడా చాలా భారీ ఎత్తున జరిగింది.ఇక ఇండియాలో మాత్రం ఈ సినిమా డబ్బింగ్ రైట్స్ కు నిర్మాతలు కోట్ చేసిన డబ్బుని ఇవ్వలేం అంటూ ఇక్కడి పెద్ద నిర్మాతలు కూడా చేతులు ఎత్తేయడంతో సొంతంగా విడుదల చెయ్యడానికి  వెళ్లారు.డిస్ట్రిబ్యూటర్లకు భారీ లాభాలను ఆశ చూపించి అవతార్ 2 సినిమాను దేశ వ్యాప్తంగా చాలా ఎక్కువ స్క్రీన్స్ లో విడుదల చేసేందుకు మేకర్స్ సిద్ధం అయ్యారు. సినిమాకు ఉన్న క్రేజ్ నేపథ్యంలో ఇప్పటికే పది కోట్లకు పైగా అడ్వాన్స్ బుకింగ్ నమోదు అయినట్లుగా సమాచారం అందుతోంది. అవతార్ 2 సినిమా అడ్వాన్స్ బుకింగ్ చూస్తూ ఉంటే ఈ ఏడాదిలో వచ్చిన అన్ని ఇండియన్ సినిమాల రికార్డులను బ్రేక్ చేసేలా ఉందంటూ సమాచారం వినిపిస్తుంది.


అవతార్ 2 సినిమా మేకర్స్ మన డిస్టిబ్యూటర్స్ కు దాదాపుగా 35 శాతం షేర్ ఇచ్చేందుకు ఓకే చెప్పారని సమాచారం. అయితే సంక్రాంతికి ఎక్కువ థియేటర్స్ లో సినిమా ను ఆడించాలని కండీషన్ పెట్టారట. అలా ఎక్కువ థియేటర్స్ లో సినిమాను ఆడించేందుకు ఓకే చెప్పిన వారికి మాత్రమే సినిమా  పంపిణీ హక్కులను ఇచ్చారనే వార్తలు వస్తున్నాయి.సంక్రాంతి సీజన్ స్టార్ట్ అవ్వడానికి ఇంకా మూడు వారాల సమయం ఉంది. ఈ మూడు వారాల్లో అవతార్ 2 సినిమా ఖచ్చితంగా సాధ్యం అయినంత వసూళ్లు సాధిస్తుంది. సంక్రాంతి సీజన్ వరకు అవతార్ 2 సినిమా వేడి పూర్తిగా చల్లారుతుందని అంతా కూడా భావిస్తున్నారు. కానీ మేకర్స్ మాత్రం సంక్రాంతి సీజన్ లో అవతార్ 2 ను చాలా ఎక్కువగా ప్రదర్శించాలని ప్రయత్నాలు చేస్తున్నారు.ఇది తెలుగు సినిమాలకి పెద్ద షాక్ విషయం అవుతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

AVATAR 2

Purushottham Vinay

12/12/2022 03:52 PM