కాగా డ్రగ్ కేసుతో తనకు ఎలాంటి సంబంధం లేకపోయినా దుష్ప్రచారం చేస్తున్నారని మీడియా మీద అషురెడ్డి ఫైర్ అయ్యారు. ఈ మేరకు ఆమె ఓ వీడియో విడుదల చేశారు. అషురెడ్డి మాట్లాడుతూ... కొద్దిరోజులుగా నేను మానసిక వేదన అనుభవిస్తున్నాను. మీడియా ఛానల్స్ నాకు సంబంధం లేని వ్యవహారంలో నా పేరు తీస్తున్నారు. ఏకంగా నా ఫోన్ నెంబర్ బహిర్గతం చేశారు.నాకు నిమిషానికో ఫోన్ వస్తుంది. నేను ఫోన్ వాడటం మానేశాను. మీడియా సంస్థలు నాపై చేసిన ప్రసారాలు తొలగించాలి. లేదంటే నేను న్యాయపోరాటం చేస్తాను. పరువు నష్టం దావా వేస్తాను. మీరు ఊహించిన దానికంటే ఎక్కువ నష్టపోయేలా చేస్తాను. మీరు ఇష్టం వచ్చిన ప్రచారం చేయడం వలన మా కుటుంబాలు, కెరీర్లు నాశనం అవుతాయి. ఈ వార్తలు రాసే వాళ్లకు ఫ్యామిలీలు లేవా..?, అంటూ మండిపడ్డారు.కాగా అషురెడ్డి అనూహ్యంగా వెలుగులోకి వచ్చింది. జూనియర్ సమంతగా సోషల్ మీడియాను షేక్ చేసిన అషురెడ్డి బిగ్ బాస్ షోతో పాపులారిటీ రాబట్టింది. సోషల్ మీడియా స్టార్ కాస్తా బుల్లితెర సెలబ్రిటీ అయ్యారు. బిగ్ బాస్ సీజన్ 3లో అషురెడ్డికి అవకాశం వచ్చింది. అయితే పెద్దగా రాణించలేదు. కొద్దిరోజులకే ఎలిమినేట్ అయ్యింది.
హౌస్లో అందాలు ఆరబోసినప్పటికీ ఆడియన్స్ షాక్ ఇచ్చారు. కొద్దివారాలకే ఇంటి నుండి బయటకు పంపేశారు. ఆ సీజన్ విన్నర్ రాహుల్ సిప్లిగంజ్ కి అషురెడ్డి దగ్గరయ్యారు. వీరి మధ్య మంచి సాన్నిహిత్యం ఏర్పడింది. వీరిద్దరూ చాలా క్లోజ్ గా ఉంటారు. ఆ బంధం పేరేమిటో తెలియదు.అలాగే డిస్నీ ప్లస్ హాట్ స్టార్ లో ప్రసారమైన బిగ్ బాస్ నాన్ స్టాప్ లో సైతం అషురెడ్డి పాల్గొన్నారు. ఓటీటీ వర్షన్ అంతగా ప్రేక్షకాదరణ దక్కించుకోలేకపోయింది. డిజిటల్ వర్షన్ కూడా అషురెడ్డికి కలిసి రాలేదు. తక్కువ వారాల్లోనే ఆమె ఎలిమినేట్ అయ్యారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి