రజనీకాంత్ ఇప్పటికే రెండు సినిమాలతో బిజీగా ఉన్నారు. దర్శకుడు లోకేశ్‌ కనగరాజ్‌ కాంబినేషన్‌లో ఓ చిత్రం రూపొందనున్న సంగతి తెలిసిందే. ఇప్పటికే షూటింగ్‌ జరుపుకుంటున్న ఈ ప్రాజెక్ట్‌కు ఏప్రిల్‌ 22న టైటిల్ ఖరారు కానుంది. సన్‌పిక్చర్స్‌ పతాకంపై కళానిధి మారన్‌ ఈ మూవీని నిర్మిస్తున్నారు. మరోవైపు టి.జె.జ్ఞానవేల్‌ దర్శకత్వంలో 'వేట్టయాన్‌' చిత్రాన్ని కూడా రజనీ పట్టాలెక్కించిన విషయం తెలిసిందే.జైలర్‌లో కన్నడ నటుడు శివ రాజ్‌కుమార్‌, మలయాళ నటుడు మోహన్ లాల్‌, బాలీవుడ్‌ నటుడు జాకీ ష్రాఫ్‌ తదితరులు కీలక పాత్రలు పోషించడం సినిమాకు ప్రత్యేక ఆకర్షణగా నిలిచింది. రమ్యకృష్ణ, తమన్నా, సునీల్‌, మిర్నా మేనన్‌, యోగిబాబు కీలక పాత్రల లో మెప్పించారు. టైగర్‌ ముత్తువేల్‌ పాండియన్‌ గా రజనీ హీరోయిజానికి ఫ్యాన్స్ ఫిదా అయితే.. వర్మన్‌గా వినాయకన్‌ విలనిజానికి కూడా అదే రేంజ్‌లో విజిల్స్‌ పడ్డాయి. జైలర్‌ సినిమా అమెజాన్‌ ప్రైమ్‌లో అందుబాటులో ఉంది.
