నివేదికల ప్రకారం, ఈ భారీ బడ్జెట్‌లో నటీనటుల పారితోషికాలు, అధునాతన విజువల్ ఎఫెక్ట్స్, విదేశీ లొకేషన్లలో చిత్రీకరణ, భారీ యాక్షన్ సన్నివేశాల కోసం ఎక్కువ మొత్తం ఖర్చయినట్టు తెలుస్తోంది. వార్1 సినిమాకు సీక్వెల్ గా ఈ సినిమా తెరకెక్కుతుండగా వార్2 సినిమా సులువుగా 1000 కోట్ల రూపాయల కలెక్షన్లను సాధించాలని ఫ్యాన్స్ ఫీలవుతున్నారు. దర్శకుడు అయాన్ ముఖర్జీ ఈ చిత్రాన్ని తెరకెక్కిస్తున్నారు. ఆయన దర్శకత్వంలో గతంలో వచ్చిన "బ్రహ్మాస్త్ర" కూడా భారీ బడ్జెట్‌తో తెరకెక్కిన విషయం తెలిసిందే.
విజువల్ ఎఫెక్ట్స్, భారీ చేజింగ్ సీక్వెన్స్‌లు, హై-ఆక్టేన్ స్టంట్స్ తో తెరకెక్కిన ఈ సినిమాపై అంచనాలు పెరుగుతున్నాయి. ఈ సినిమా తెలుగు రాష్ట్రాల హక్కులు 80 కోట్ల రూపాయలకు నాగవంశీ సొంతం చేసుకున్నారు. హృతిక్ రోషన్, ఎన్టీఆర్ కాంబినేషన్లో వచ్చే యాక్షన్ సన్నివేశాలు ప్రేక్షకులకు గూస్ బంప్స్ తెప్పించడం ఖాయమని సినీ విశ్లేషకులు అంచనా వేస్తున్నారు. ఇప్పటికే ఈ సినిమా షూటింగ్ పూర్తయింది.
400 కోట్ల భారీ బడ్జెట్‌తో తెరకెక్కిన ఈ చిత్రం బాలీవుడ్ బాక్సాఫీస్ వద్ద ఎలాంటి సంచలనం సృష్టిస్తుందో వేచి చూడాలి. వార్2 అన్ని భాషల ట్రైలర్లకు ఏకంగా 90 మిలియన్ల వ్యూస్ వచ్చాయి. జూనియర్ ఎన్టీఆర్ ఈ సినిమా కోసం 60 కోట్ల రూపాయల రేంజ్ లో రెమ్యునరేషన్ అందుకున్నారు. ఒక డబ్బింగ్ మూవీకి ఈ స్థాయిలో పారితోషికం అందుకోవడం రికార్డ్ అనే చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి