ఈ ప్రాజెక్ట్‌కి న‌టుడు, ద‌ర్శ‌కుడు ఎం.శ‌శి కుమార్ దర్శకత్వం వహించ‌నున్నారు. శ‌శి కుమార్ ఇటీవ‌ల ‘టూరిస్ట్ ఫ్యామిలీ’ సినిమాలో ప్ర‌ధాన పాత్ర పోషించారు. న‌ట‌న‌తో పాటు అప్పుడ‌ప్పుడూ మెగాఫోన్ కూడా ప‌ట్టే ఆయ‌న‌కి, ర‌జ‌నీకాంత్‌ని డైరెక్ట్ చేయ‌డం జీవిత సాఫ‌ల్యం అన్న‌ట్టే. సినీ స‌ర్కిల్స్ టాక్ ప్రకారం, కొంత కాలంగా శ‌శి కుమార్ రజనీ కోసం ప్రత్యేకంగా ఓ మాస్-ఎమోష‌నల్ స్క్రిప్ట్ మీద వ‌ర్క్ చేస్తున్నారు. మిగిలిన ఆఫ‌ర్లు ప‌క్క‌న పెట్టి పూర్తిగా ఈ ప్రాజెక్ట్‌పైనే కేంద్రీక‌రించారు. చివరికి ఆ స్క్రిప్ట్ ఓ కొలిక్కి వ‌చ్చి, ర‌జ‌నీకాంత్ ఎదుట వినిపించ‌గానే సూపర్ స్టార్‌కి బాగా న‌చ్చింద‌ట. దాంతో ప్రాజెక్ట్ దాదాపు ఖాయ‌మైన‌ట్టే అనిపిస్తోంది. ఇదిలా ఉండ‌గా, ర‌జ‌నీకాంత్ కోసం మరిన్ని డైరెక్ట‌ర్లు కూడా స్క్రిప్టులు రెడీ చేస్తున్నారు.
‘జైలర్ 2’ త‌ర‌వాత ఏ ప్రాజెక్ట్ ముందుకు వ‌స్తుంద‌న్న దానిపై ఫ్యాన్స్‌లో హై ఆసక్తి నెల‌కొంది. ఒక‌వేళ అన్ని ఈక్వేష‌న్స్ కుదిరితే, శ‌శి కుమార్ దర్శకత్వంలో రజనీ మాస్ మాయాజాలం మళ్లీ థియేట‌ర్లలో సంద‌డి చేయ‌డం ఖాయం. ర‌జ‌నీకాంత్ సినిమాలు అంటేనే అంచ‌నాలు ఆకాశాన్నంటుతాయి. పైగా, కొత్త డైరెక్ట‌ర్‌కి ఛాన్స్ ఇస్తే… అందులో ఏదో కొత్త మాస్ ట్రీట్ ఉండ‌డం ఖాయం. ఈ కాంబినేషన్ వ‌ర్క్ అవుతుంద‌ని ఫ్యాన్స్‌కి నూరుశాతం న‌మ్మ‌కం ఉంది. కాబ‌ట్టి, ‘కూలీ’ త‌ర‌వాత రాబోయే ఈ ప్రాజెక్ట్ కూడా సౌత్ సినిమా బాక్సాఫీస్‌ను వణికించే అవకాశం ఉంద‌నే ఊహాగానాలు ఊపందుకున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి