ప్రస్తుతానికి, 'కాంతార: చాప్టర్ 1' ప్రపంచవ్యాప్తంగా దాదాపు ₹675 కోట్ల రూపాయల గ్రాస్ కలెక్షన్లను సాధించి, అత్యధిక వసూళ్లు చేసిన భారతీయ సినిమాలలో ఒకటిగా నిలిచింది. ట్రేడ్ విశ్లేషకుల అంచనాల ప్రకారం, ఈ చిత్రం ఫుల్ రన్ లో సునాయాసంగా ₹800 కోట్ల రూపాయల మార్కును సైతం క్రాస్ చేసే అవకాశాలు పుష్కలంగా కనిపిస్తున్నాయి.
ముఖ్యంగా తెలుగు రాష్ట్రాలలోనూ ఈ సినిమా ప్రభంజనం కొనసాగుతోంది. ఇక్కడ ఈ చిత్రం ₹60 కోట్ల రూపాయల గ్రాస్ కలెక్షన్లను సాధించే ఛాన్స్ ఉందని ట్రేడ్ వర్గాలు ధీమా వ్యక్తం చేస్తున్నాయి. ఒక డబ్బింగ్ సినిమాకు ఈ స్థాయిలో కలెక్షన్లు రావడం తెలుగు సినీ పరిశ్రమలో ఒక మైలురాయిగా చెప్పవచ్చు.
ఇక కలెక్షన్ల విషయంలో ఈ సినిమా సృష్టించిన అతిపెద్ద సంచలనాలలో ఒకటి - బాహుబలి 1 రికార్డును బ్రేక్ చేయడం. ఎస్.ఎస్. రాజమౌళి దర్శకత్వంలో వచ్చిన బాహుబలి: ది బిగినింగ్ ప్రపంచవ్యాప్తంగా ₹650 కోట్ల రూపాయల గ్రాస్ కలెక్షన్లతో ఒక రికార్డును నెలకొల్పింది. దాన్ని కాంతార: చాప్టర్ 1 కేవలం కొద్ది రోజుల్లోనే అధిగమించడం అద్భుతం. రాబోయే రోజుల్లో ఈ చిత్రం మరింత వండర్స్ క్రియేట్ చేసే అవకాశం ఉందని సినీ విశ్లేషకులు అభిప్రాయపడుతున్నారు. మొత్తం మీద రిషబ్ శెట్టి మేకింగ్, ఆయన నటన కాంతార: చాప్టర్ 1 సినిమాను ఒక దృశ్య కావ్యంగా, కలెక్షన్ల వర్షాన్ని కురిపించే యంత్రంగా మార్చాయి అనడంలో అతిశయోక్తి లేదు. కాంతార చాప్టర్1 సాధిస్తున్న సంచలన రికార్డులు ప్రస్తుతం సోషల్ మీడియా వేదికగా హాట్ టాపిక్ అవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి