బుచ్చి బాబు సనా దర్శకత్వం వహిస్తున్న ఈ సినిమా కోసం రామ్ చరణ్ బాగా కష్ట పడిన్నట్లు తెలిసింది. ఆయన తన లుక్, బాడీ లాంగ్వేజ్‌, మరియు డ్యాన్స్ మూవ్స్‌లో పూర్తిగా కొత్తదనాన్ని చూపిస్తూ, ప్రతి ఫ్రేమ్‌లో తాను ఎంత కష్టపడ్డాడో చాటుతున్నారు. ఈ సినిమా కేవలం టాలీవుడ్‌లోనే కాకుండా, హిందీ బెల్ట్‌లో కూడా విపరీతమైన అంచనాలను రేకెత్తిస్తోంది. ముఖ్యంగా “చికిరి చికిరి” పాట ద్వారా రామ్ చరణ్ నార్త్‌ ఆడియన్స్‌ మధ్య కూడా విపరీతమైన క్రేజ్‌ సాధించారు.ఇదిలా ఉండగా, ఈ పాట విజయంపై సినీ దర్శకుడు రామ్ గోపాల్‌ వర్మ ఊహించని విధంగా స్పందించారు.
మంగళవారం ఆయన సోషల్ మీడియా ద్వారా రామ్ చరణ్ నటనను ఆకాశానికెత్తి పొగిడారు. “సినిమాలో ఉన్న ప్రతి కళారూపం — దర్శకత్వం, సంగీతం, సినిమాటోగ్రఫీ, ఎడిటింగ్‌ — ఇవన్నీ చివరికి ఒకే లక్ష్యం కోసం పనిచేస్తాయి. ఆ లక్ష్యం హీరోని మరింత మెరుగుపరచడం. చాలా కాలం తర్వాత నేను రామ్ చరణ్ తన అసలైన, సహజమైన, అద్భుతమైన రూపంలో కనిపించడం చూశాను. ‘పెద్ధి’ సినిమాలోని ‘చికిరి చికిరి’ పాటలో ఆయన నటన, ఆవేశం, ఎనర్జీ — ఇవన్నీ కలిపి నేను చాలా కాలంగా చూడని అత్యుత్తమ రూపం” అని రామ్ గోపాల్‌ వర్మ పేర్కొన్నారు.
అదే సమయంలో ఆయన సినిమా దర్శకుడు బుచ్చి బాబు సనాను కూడా ప్రశంసించారు. “ఒక స్టార్ తన చుట్టూ అతి తళుకుబెలుకులు, భారీ సెట్స్‌, వందలమంది డ్యాన్సర్లు మధ్య కాకుండా, సహజత్వం, నిజమైన భావోద్వేగం మధ్య ఉన్నప్పుడే అత్యంత ప్రకాశిస్తాడు. నువ్వు ఆ విషయాన్ని అద్భుతంగా అర్థం చేసుకున్నావు. నీ దర్శకత్వం వల్లే రామ్ చరణ్ లోని నిజమైన నటుడు ప్రేక్షకుల ముందుకు వచ్చాడు. నువ్వు ఫ్యాన్సీ ఎఫెక్ట్స్‌ కన్నా హీరో పైనే దృష్టి నిలిపావు — అదే ఈ పాటకు జీవం పోసింది” అని వర్మ వ్యాఖ్యానించారు.
ప్రస్తుతం రామ్ గోపాల్‌ వర్మ ఈ వ్యాఖ్యలు సోషల్ మీడియాలో విపరీతంగా వైరల్ అవుతున్నాయి. అభిమానులు ఆయన అభిప్రాయాలను పంచుకుంటూ, “చికిరి చికిరి” పాట రామ్ చరణ్ కెరీర్‌లో మరో మైలురాయిగా నిలవబోతోందని కామెంట్లు చేస్తున్నారు. ఇదిలా ఉండగా, “పెద్ధి” సినిమా షూటింగ్‌ చివరి దశలో కొనసాగుతుండగా, వచ్చే ఏడాది సమ్మర్ లో భారీ స్థాయిలో విడుదల కానుంది. మొత్తంగా చెప్పా లంటే — “చికిరి చికిరి” పాటతో రామ్ చరణ్ తన మునుపటి చిత్రాలన్నింటికంటే కొత్త హై ఎనర్జీని, అద్భుతమైన నటనను ప్రదర్శించి అభిమానులను మంత్రముగ్ధులను చేశారు. ఈ పాట సక్సెస్ రామ్ చరణ్ కెరీర్‌లో మరో గోల్డెన్‌ ఛాప్టర్‌గా నిలిచిపోనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి