సురేందర్ రెడ్డి దర్శకత్వం వహించిన చిత్రాల్ని పరిశీలిస్తే, ఆయన హీరోని అత్యంత స్టైలిష్‌గా, పవర్‌ఫుల్‌గా చూపించడంలో స్పెషలిస్ట్. అలాంటి దర్శకుడితో పవన్ కలిసి పనిచేస్తున్నారంటే, ఆ సినిమా స్టైల్‌, యాక్షన్, విజువల్స్ అన్నీ టాప్ నాచ్‌గా ఉండడం ఖాయం. ఈ సినిమాలో పవన్ కెరీర్‌లోనే అత్యంత స్టైలిష్ లుక్ చూపించేందుకు దర్శకుడు ప్రత్యేక ప్లాన్ చేస్తున్నట్టు కూడా సమాచారం వస్తోంది. భారీ స్కేల్, మైండ్-బ్లోయింగ్ ఫైట్స్, స్టైలిష్ స్క్రీన్ ప్రెజెన్స్‌తో ఈ సినిమా పవన్ ఇమేజ్‌ని మరో స్థాయికి తీసుకెళ్లే అవకాశం ఉందని ఇండస్ట్రీ వర్గాలు అంచనా వేస్తున్నాయి.
ఇక ఈ ప్రాజెక్ట్ లో ప్రత్యేక ఆకర్షణ ఏమిటంటే—ఇది మొత్తం త్రివిక్రమ్ శ్రీనివాస్ పర్యవేక్షణలో జరుగుతోందన్న వార్త. త్రివిక్రమ్ ప్రస్తుతం వెంకటేష్‌తో సినిమా చేస్తున్నారు. అలాగే మరో పెద్ద ప్రాజెక్ట్ కోసం కథను సిద్ధం చేస్తున్నారు. ఇంత బిజీగా ఉన్నప్పటికీ, పవన్‌తో ఉన్న స్నేహం కారణంగా సురేందర్ రెడ్డి సినిమాకి కథా సూచనలు, స్క్రీన్‌ప్లే ఐడియాలు, డైలాగ్ పాయింట్ల వరకు చూసుకుంటున్నట్టు సమాచారం. పవన్‌కి త్రివిక్రమ్ ఎంతో సన్నిహితుడు కావడం వల్లే ఈ సహాయం చేస్తున్నారని ఇండస్ట్రీలో టాక్.మరొక వైపు, ఈ కాంబినేషన్‌పై అభిమానుల్లో ఇప్పటికే భారీ అంచనాలు మొదలయ్యాయి. పవన్‌కి సురేందర్ రెడ్డి స్టైల్‌ పర్ఫెక్ట్‌గా సెట్ అవుతుందని అందరూ నమ్ముతున్నారు. గతంలో పవన్‌తో మాస్ డైరెక్టర్లు చేసిన సినిమాలు ఇండస్ట్రీ హిట్స్ అయ్యాయి. ఇప్పుడు స్టైలిష్ డైరెక్టర్ సురేందర్ రెడ్డి చేతిలో పవన్ ఎలాంటి కొత్త అవతారంలో కనిపిస్తారో చూసేందుకు ఫ్యాన్స్ ఎదురుచూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి