అయితే నాగరిక సమాజంలో కూడా వరకట్న వేధింపులు తప్పవా అంటూ అటు మహిళా సంఘాలు కూడా పోరాడుతున్న ఘటనలు వెలుగులోకి వస్తున్నాయి. అయితే ఇక తాళి కట్టే సమయంలో కష్ట సుఖాల్లో తోడు ఉంటానని ప్రమాణం చేసిన వ్యక్తి కొన్ని రోజుల్లోనే అదనపు కట్నం కావాలంటూ వేధించడం మొదలు పెడుతున్నారు. అయితే ఇలా రోజురోజుకీ వరకట్న వేధింపులతో ఆత్మహత్య చేసుకుంటున్న మహిళల సంఖ్య పెరిగిపోతుంది. ఇలాంటి నేపథ్యంలో తాజాగా వరకట్న వేధింపులపై ఇటీవల కేరళ గవర్నర్ చేసిన వ్యాఖ్యలు కాస్త హాట్ టాపిక్ గా మారిపోయాయ్. ఏకంగా విద్యార్థులతో కట్నం తీసుకోము అంటూ ఒక బాండ్ పేపర్ మీద సైన్ చేయించాలి అంటూ కేరళ గవర్నర్ వ్యాఖ్యానించారు.
విద్యార్థులు వరకట్నం అనే సాంఘిక దురాచారాన్ని రూపుమాపేందుకు నడుం బిగించాలి అంటూ ఇటీవల కేరళ గవర్నర్ ఆరిఫ్ మహమ్మద్ పిలుపునిచ్చారు. ఇందుకోసం విద్యార్థులందరూ యూనివర్సిటీలో వివిధ చదువుల కోసం చేరే సమయంలో మేము ఇక భవిష్యత్తులో కట్నం తీసుకోబోమని అంటూ విద్యార్థులు అందరితో ఒక బాండ్ పేపర్ పైన సంతకం చేసేలా చూస్తే బాగుంటుంది అంటూ అభిప్రాయాన్ని వ్యక్తం చేశారు. ఇలా విద్యార్థి దశలోనే బాండ్ పేపర్ పైన సంతకం చేయడం వల్ల ఇక దేశంలో కనీసం కొంత మేరకైనా సరే అటు వరకట్నపు చావులు ఆపేందుకు అవకాశం ఉంటుంది అంటూ చెప్పుకొచ్చారు. ప్రస్తుతం యాంటీ ర్యాగింగ్ బాండ్ మాదిరిగానే యాంటీ డౌరి బాండ్ కూడా తీసుకు వస్తే బాగుంటుంది అంటూ చెప్పుకొచ్చారు కేరళ గవర్నర్ ఆరిఫ్ మహమ్మద్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి