ఇక్కడ ఓ యువతి ఇలాంటి పని చేయ పోయింది. జీవితం మీద విరక్తి తో కఠిన నిర్ణయం తీసుకుంది. ఆత్మహత్యే శరణ్యమని భావించింది. ఆత్మహత్య చేసుకుంటున్నానంటూ తల్లిదండ్రులు స్నేహితులతో వీడియో కాల్ మాట్లాడుతూ ఉరి వేసుకోవడానికి ప్రయత్నించింది. కానీ చివరి నిమిషంలో పోలీసులు ఎంతో చాకచక్యంగా వ్యవహరించి ఆ యువతి ప్రాణాలను కాపాడారు. స్నేహితుడు పోలీసులకు సమాచారం అందించడంతో మెరుపువేగంతో అక్కడికి చేరుకున్న పోలీసులు ఆమెను కాపాడి ఆస్పత్రికి తరలించారు. ఒక్క నిమిషం ఆలస్యమైనా చివరికి ఆమె ప్రాణాలు గాలిలో కలిసిపోయేవి.
హైదరాబాద్లో ఉంటున్న హాసిని అనే యువతి మోడలింగ్ వృత్తిలో కొనసాగుతున్నారు. ఇటీవల మిస్ తెలంగాణ గా కూడా ఎంపిక అయింది. అయితే హిమాయత్ నగర్ లో ఒక అపార్ట్మెంట్లో ఒంటరిగా ఉంటూ మోడలింగ్ చేస్తూనే ఉంది. ఇటీవలే రాత్రి పదిన్నర గంటల సమయంలో తల్లిదండ్రులకు స్నేహితులకు ఇంస్టాగ్రామ్ లో వీడియో కాల్ చేసింది. తాను చనిపోతున్నాను అంటూ చెబుతూ ఉరి వేసుకోవడానికి ప్రయత్నించింది. అయితే వెంటనే ఆమె స్నేహితుడు ఒకరు పోలీసులకు ఫోన్ చేశారు. ఇక సమాచారం అందగానే నారాయణగూడ పోలీస్ అపార్ట్మెంట్ కు చేరుకున్నారు. లోపలికి వెళ్ళేసరికి ఇక మెడకు బిగించుకున్న చున్నీ ముడి ఊడి పోయింది. కిందపడిపోయి యువతి అపస్మారక స్థితిలోకి వెళ్లిపోయింది. దీంతో వెంటనే ఆసుపత్రికి తరలించి చికిత్స అందిస్తున్నారు పోలీసులు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి