ചർക്കയ്ക്ക് പകരം അശോകചക്രം,ചുവപ്പിനു പകരം കാവിയും; കോൺഗ്രസിൻ്റെ ത്രിവർണം ദേശീയ പതാകയായത് എങ്ങനെ? 1947 ജൂലൈ 22ന് കൂടിയ ദേശീയ ഭരണഘടന സമിതിയുടെ പ്രത്യേക സമ്മേളനത്തിലാണ് ഇന്നു കാണുന്ന ദേശീയ പതാകയ്ക്ക് അംഗീകാരം നൽകിയത്. അതുവരെ കോൺഗ്രസ് ഉപയോഗിച്ചിരുന്ന മൂവർണ്ണക്കൊടിയിൽ പരിഷ്കാരങ്ങൾ വരുത്തിയാണ് രാജ്യത്തിന്റെ ദേശീയ പതാക രൂപപ്പെടുത്തിയത്. സ്വാതന്ത്ര്യത്തിനു മുമ്പ് ഇന്ത്യൻ നാഷ്ണൽ കോൺഗ്രസ് ഉപയോഗിച്ചിരുന്ന മൂവർണ്ണക്കൊടി ദേശീയ പതാകയായത് എങ്ങനെയെന്ന് അറിയാമോ? പതാകയ്ക്ക് മൂന്ന് നിറങ്ങൾ വേണമെന്നും അതിൽ ച‍ർക്ക ആലേഖനം ചെയ്യണമെന്നും ഗാന്ധി ആവശ്യപ്പെട്ടു.
1921ൽ രാഷ്ട്രപിതാവായ മഹാത്മാ ഗാന്ധിയാണ് രാജ്യത്തിന് ഒരു പതാക വേണമെന്ന് ആദ്യം ആവശ്യം ഉയ‍ർത്തുന്നത്. ഇതേത്തുടർന്ന് ഇന്ത്യൻ പതാക രൂപകൽപ്പന ചെയ്യുന്നതിനായി ആന്ധ്രയിൽ നിന്നുള്ള കോൺഗ്രസ് നേതാവായ പിപിംഗളി വെങ്കയ്യയുടെ പേരാണ് നി‍ർദ്ദേശിക്കപ്പെട്ടത്. ഗാന്ധി നിർദ്ദേശിച്ച ചുവന്ന നിറത്തിനു പകരം കാവി കളർ വരുത്തിയത് അപ്പോഴാണെന്നും ലേഖനത്തിൽ പറയുന്നുണ്ട്. 1947 ജൂലൈ 22ന് ഭരണഘടനാ സമിതി ദേശീയ പതാകയുമായി ബന്ധപ്പെട്ട് യോഗം ചേരുകയും ചർക്കയ്ക്ക് പകരം അശോകചക്രം പതാകയിൽ ആലേഖനം ചെയ്യാൻ തീരുമാനിക്കുകയും ചെയ്തു. പണ്ഡിറ്റ് ജവഹർലാൽ നെഹ്റുവാണ് ഇത്തരത്തിലൊരു നിർദ്ദേശം മുന്നോട്ടുവെച്ചത്.
2004ൽ രാമചന്ദ്ര ഗുഹ ദ ഹിന്ദുവിലെഴുതിയ 'ട്രൂത്ത് എബൗട്ട് ട്രൈ കളർ' എന്ന ലേഖനത്തിൽ 1931ൽ കോൺഗ്രസ് നിയോഗിച്ച സമിതി പതാകയിൽ മാറ്റങ്ങൾ വരുത്തിയതായി പറയുന്നുണ്ട്. ഗാന്ധി നിർദ്ദേശിച്ച ചുവന്ന നിറത്തിനു പകരം കാവി കളർ വരുത്തിയത് അപ്പോഴാണെന്നും ലേഖനത്തിൽ പറയുന്നുണ്ട്. ദേശീയ പതാക രൂപകൽപ്പന ചെയ്തത് ആരാണെന്നതു സംബന്ധിച്ച് അടുത്തയിടെ ത‍ർക്കം ഉയ‍ർന്നിരുന്നു. ദേശീയ പതാക രൂപകൽപ്പന ചെയ്തത് പിംഗളി വെങ്കയ്യ ആണെന്നാണ് ചരിത്ര പുസ്തകങ്ങൾ പറയുന്നത്. എന്നാൽ 'ദ വയർ' പോർട്ടലിൽ എഴുതിയ ലേഖനത്തിൽ സുറയ്യാ തയാബ്ജിയുടെ മകൾ ലൈലാ തയാബ്ജി എഴുതിയ ലേഖനത്തിൽ തന്റെ മാതാവാണ് ദേശീയ പതാക രൂപകൽപ്പന ചെയ്തതെന്ന് വാദം ഉന്നയിച്ചിരുന്നു.
ഇന്ത്യൻ നാഷ്ണൽ കോൺഗ്രസിന്റെ മൂന്നാം പ്രസിഡന്റായ അബ്ബാസ് തയാബ്ജിയുടെ പേരമകളാണ് സുറയ്യാ തയാബ്ജി. അക്കാലത്തെ ചരിത്രകാരികൂടിയായിരുന്നു സുറയ്യ. അശോകചക്രത്തിൽ 24 ആരോകളാണുള്ളത്. ഇതിന് ഓരോന്നിനും ഓരോ അർത്ഥമാണുള്ളത്. ബ്രഹ്മചര്യം, ആരോഗ്യം, സമാധാനം, ത്യാഗം, ധർമ്മം, സേവനം, ക്ഷമ, സ്നേഹം, സൗഹാർദ്ദം, സാഹോദര്യം, വ്യവസ്ഥിതി, ക്ഷേമം, സമൃദ്ധി, ഉത്സാഹം, ക്ഷേമം, അവബോധം, തുല്യത, സമ്പത്ത്, നയം, നീതി, സഹകരണം, കടമ, അവകാശങ്ങൾ, ജ്ഞാനം എന്നിങ്ങനെയാണ് അവയുടെ അർത്ഥം.
Find out more:
click and follow Indiaherald WhatsApp channel