നരേന്ദ്ര മോദിയുടെ പ്രഭാഷണങ്ങൾ എല്ലാം ഇനി ഒറ്റ പുസ്തകത്തിൽ! 2015 ലെ ഡൽഹിയിലെ സ്വാതന്ത്ര്യദിന പ്രസംഗം മുതൽ കഴിഞ്ഞ വർഷം വാരണാസിയിൽ നടത്തിയ പ്രസംഗം വരെ പുസ്തകത്തിൽ ഉൾപ്പെടുത്തിയിട്ടുണ്ട്. വിവിധ വിഷയങ്ങളിൽ പ്രധാനമന്ത്രി നരേന്ദ്ര മോദി നടത്തിയ 34 പ്രസംഗങ്ങളാണ് പുസ്തകമായത്. പ്രധാനമന്ത്രി നരേന്ദ്രമോദിയുടെ പ്രഭാഷണങ്ങൾ എല്ലാം ഇനി പുസ്തക രൂപത്തിൽ വായനക്കാരിലേക്ക്. ആത്മീയവിഷയങ്ങളാണ് കൂടുതലും. പ്രധാനമന്ത്രി മുന്നോട്ടുവച്ച സാംസ്കാരിക ദർശനവും പുസ്തകത്തിൽ കാണാമെന്ന് നിരീക്ഷകർ ചൂണ്ടിക്കാട്ടുന്നു. സ്വാതന്ത്ര്യത്തിൻ്റെ അമൃതകാലമാണിതെന്ന് രാജ്യസഭാ ഉപാധ്യക്ഷൻ വ്യക്തമാക്കി. രാജ്യം സ്വാതന്ത്ര്യം നേടി 100 വർഷം പൂർത്തിയാകുമ്പോഴേക്കും രാജ്യം വികസിത രാജ്യമാകുമെന്ന് പ്രധാനമന്ത്രി ഉറപ്പുപറയുന്നുണ്ട്. 2014 ന് ശേഷമാണ് രാജ്യം വികസിത ഭാരതം എന്ന സ്വപ്നം കണ്ടു തുടങ്ങിയതെന്നും അതിനുമുമ്പ് ഈ സ്വപ്നം കണ്ടിട്ടില്ലെന്നും അദ്ദേഹം പറയുന്നു.
ഇന്ത്യൻ സംസ്കാരത്തെക്കുറിച്ചും പരമ്പരാഗത മൂല്യങ്ങളെക്കുറിച്ചും 2014നു ശേഷമാണ് രാജ്യത്ത് സംസാരിച്ച് തുടങ്ങിയതെന്ന രാഷ്ട്രീയ പരാമർശവും പ്രധാനമന്ത്രി നടത്തി. പ്രഭാഷണങ്ങളിൽ പലപ്പോഴും ഇന്ത്യൻ സംസ്കാരത്തിനും പൈതൃകത്തിനും പ്രാധാനമന്ത്രി ഊന്നൽ നൽകാറുണ്ട്.ഇന്ത്യയുടെ സാമ്പത്തിക വികസനം, അടിസ്ഥാന സൗകര്യ പദ്ധതികൾ, ഭരണ പരിഷ്കാരങ്ങൾ എന്നിവയുമായി ബന്ധപ്പെട്ട വിഷയങ്ങളും പ്രഭാഷണങ്ങൾക്ക് വിഷയമാകാറുണ്ട്. ഇന്ത്യയുടെ വിദേശനയവും ആഗോളതലത്തിൽ ഇന്ത്യയുടെ വർദ്ധിച്ചുവരുന്ന സ്വാധീനവും പ്രഭാഷണത്തിന് വിഷയമായിരുന്നു. പാരീസ് ഉച്ചകോടിയിലുൾപ്പെടെയുള്ള പ്രസംഗങ്ങൾ അന്താരാഷ്ട്ര വേദികളിൽ ശ്രദ്ധേയമായിരുന്നു. പുണ്യക്ഷേത്രങ്ങൾ സന്ദർശിച്ചപ്പോൾ നടത്തിയ പ്രഭാഷണങ്ങൾ മുതൽ ഗുരുനാനാക് ജയന്തി, ആഗോള ബുദ്ധിസ്റ്റ് സമ്മേളനം, ആചാര്യ വിജയ് വല്ലഭ് സുരീശ്വർ മഹാരാജിന്റെ ജന്മവാർഷികം, ലോക സൂഫി സമ്മേളനം തുടങ്ങിയ അവസരങ്ങളിൽ നടത്തിയ പ്രസംഗങ്ങൾ വരെ ഇതിൽ ഉൾപ്പെടുന്നു.
ഇന്ദിരാഗാന്ധി നാഷണൽ സെന്റർ ഫോർ ദി ആർട്‌സിൽ രാജ്യസഭാ ഡെപ്യൂട്ടി ചെയർമാൻ ഹരിവംശിന്റെ സാന്നിധ്യത്തിലായിരുന്നു പുസ്തക പ്രകാശനം. 2015 ലെ സ്വാതന്ത്ര്യദിന പ്രസംഗത്തിൽ ഡൽഹിയിലെ ചെങ്കോട്ടയിൽ നടത്തിയ പ്രസംഗം മുതലുള്ളവ ഇതിൽ ഉൾപ്പെടുന്നു. 2024 ഒക്ടോബറിൽ വാരണാസിയിലെ ആർ ജെ ശങ്കർ ആശുപത്രിയുടെ ഉദ്ഘാടന വേളയിൽ നടത്തിയ പ്രസംഗമാണ് ഒടുവിലത്തേത്. 34 പ്രസംഗങ്ങൾ പുസ്തകത്തിൽ ഉൾപ്പെടുത്തിയിട്ടുണ്ട്. സംസ്കൃതി കാ പാഞ്ച്വ അധ്യായ്" എന്നതിൻ്റെ അർത്ഥം സംസ്‌കാരത്തിൻ്റെ അഞ്ചാമത്തെ അധ്യായം" എന്നാണ്.
പ്രസാധകരായ പ്രഭാത് പ്രകാശൻ ആണ് പുസ്തകം പ്രസിദ്ധീകരിച്ചിരിക്കുന്നത്. 'സംസ്കൃതി കാ പാഞ്ച്വ അധ്യായ്' എന്ന് പേരിട്ടിരിക്കുന്ന പ്രസംഗങ്ങളുടെ ശേഖരത്തിന് ഒരു പ്രത്യേകത കൂടെയുണ്ട്. കഴിഞ്ഞ 10 വർഷത്തിനിടെ വിവിധ അവസരങ്ങളിൽ വിവിധ വിഷയങ്ങളിൽ പ്രധാനമന്ത്രി നടത്തിയ പ്രസംഗങ്ങളാണ് പുസ്തകത്തിൽ ഉൾപ്പെടുത്തിയിരിക്കുന്നത്. ഇതിൽ ഇന്ത്യൻ സംസ്കാരം, പാരമ്പര്യം, പൈതൃകം ആത്മീയ മൂല്യങ്ങൾ തുടങ്ങിയ വിവിധ വിഷയങ്ങൾ ഉൾപ്പെടുന്നു.
Find out more:
click and follow Indiaherald WhatsApp channel