కాగా ఇటీవల ఆస్ట్రేలియా పర్యటనకు వచ్చిన దక్షిణాఫ్రికా జట్టుతో ఆతిథ్య ఆస్ట్రేలియా టెస్ట్ సిరీస్ ఆడుతూ ఉండగా దక్షిణాఫ్రికా తో జరిగిన బాక్సింగ్ డే టెస్టులో భాగంగా డబుల్ సెంచరీ చేసి అదరగొట్టాడు డేవిడ్ వార్నర్. ఈ క్రమంలోనే ఎన్నో రోజులపాటు తనపై వస్తున్న విమర్శలకు బ్యాట్ తోనే సమాధానం చెప్పాడు అని చెప్పాలి. ఇక మైదానంలో బ్యాట్ తో ఎంతో వీరోచితంగా పోరాడిన డేవిడ్ వార్నర్ ఇక్కడ డబుల్ సెంచరీ తర్వాత రిటైర్డ్ హార్టుగా మైదానం వీడి వెళ్లిపోయాడు. ఇక ఇలా ఎన్నో రోజుల తర్వాత డేవిడ్ వార్నర్ బ్యాట్ నుంచి డబుల్ సెంచరీ రావడంతో అభిమానులందరూ కూడా ఆనందంలో మునిగిపోయారు అని చెప్పాలి. కాగా ఇటీవలే బాక్సింగ్ డే టెస్టులో డబుల్ సెంచరీ చేయడంపై స్పందించిన డేవిడ్ వార్నర్ ఆసక్తికర వ్యాఖ్యలు చేశాడు.
దక్షిణాఫ్రికా తో బాక్సింగ్ డే టెస్టులో డబుల్ సెంచరీ మార్కును అందుకోవడం ఒక మ్యాజికల్ మూమెంట్ అంటూ డేవిడ్ వార్నర్ చెప్పుకొచ్చాడు. మంచి స్కోర్ చేయడానికి ప్రయత్నిస్తానని ఇక మ్యాచ్ కి ముందు నా స్నేహితులతో చెప్పాను అంటూ గుర్తు చేసుకున్నాడు. అనుకున్నట్లుగానే ఏకంగా డబుల్ సెంచరీ చేయడం అద్భుతంగా ఉంది అంటూ తెలిపాడు. ఇక కుటుంబ సభ్యులు స్నేహితుల ముందు డబుల్ సెంచరీ చేయడం మరింత గర్వంగా ఉంది అంటూ చెప్పుకొచ్చాడు డేవిడ్ వార్నర్ దాదాపు గత 12 నెలలుగా ఈ స్కోరు సాధించలేకపోయాను అన్న విషయాన్ని కూడా గుర్తు చేసుకున్నాడు.
