మహిళలు పాలిచ్చి పిల్లల్ని పెంచడమే కాదు.. రాజ్యాన్ని ఎలా పరిపాలించాలో కూడా వారికి బాగా తెలుసు. అయితే ఇందుకోసం చరిత్రను మొత్తం తోడేసి చూడాల్సిన అవసరం ఏ మాత్రం అవసరం లేదు. నిత్యం మన చుట్టూ ఉండే మహిళలను చూస్తే చాలు. ఓ చేత్తో ఇంటి సంసారాన్ని.. మరో చేత్తో ఆఫీసు భారాన్ని.. ఇంకోవైపు పిల్లల బాధ్యతను చకచకా చూసుకుంటూ ఉంటారు. ఇవన్నీ చేస్తారు కాబట్టే కొందరు మహిళలు రిలేషన్ షిప్ లోనూ అవలీలగా పైచేయి సాధిస్తారు. తాము చెప్పిందే శాసనం కావాలని కొందరు మహిళలు అంటూ ఉంటారు. ఇంతకీ అలాంటి స్త్రీలను ఎలా గుర్తుపట్టాలనుకుంటున్నారా? అలాంటి వారిని గుర్తించేందుకు జ్యోతిష్యశాస్త్రం ఉపయోగపడుతుంది. దీని ప్రకారం ఈ ఏయే రాశి చక్ర స్త్రీలు ఇలాంటి లక్షణాలను కలిగి ఉన్నారో ఇప్పుడు తెలుసుకుందాం...
మేష రాశి స్త్రీలు అకస్మాత్తుగా కోపం పెంచుకుంటారు. వీరు తీవ్రమైన వ్యక్తిత్వంతో కూడుకుని ఉంటారు. వీరు ప్రేమ విషయంలో సానుకూలంగా ఉండి.. సంబంధాన్ని కొనసాగించేందుకు ప్రయత్నిస్తారు. అయితే కొందరు మహిళలు సొంత అభద్రతలకు వ్యతిరేకంగా కొన్నిసార్లు పోరాటం చేస్తారు. ఇది వారి సంబంధం యొక్క ఆధిపత్యం చేపట్టేందుకు దారి తీస్తుంది. అందువల్ల వారు రిలేషన్ షిప్ ను గమనించకుండానే శాసించేస్తారు. వృషభ రాశి మహిళలు చాలా మంచివారు. వీరు కారణం లేకుండా ఎవరితోనూ వాదనకు దిగరు. అయితే వీరు ఏదైనా వాదనలో పాల్గొన్నప్పుడు మాత్రం చాలా ప్రమాదకరంగా మారతారు. చాలా విషయాల్లో మొండిగా ప్రవర్తిస్తారు. ఇది చాలా తీవ్ర పరిణామాలకు దారి తీస్తుంది. వీరి ఎదుట ఎవ్వరు ఉన్నప్పటికీ అస్సలు వెనక్కి తగ్గరు. దీంతో ఈ ప్రవర్తనే వారిని అత్యంత నియంత్రించే వ్యక్తిత్వంగా మారుస్తుంది.