ఇప్పుడు వరకు ఆరు మ్యాచులు ఆడిన ఇంగ్లాండ్ జట్టు కేవలం ఒకే ఒక విజయం సాధించింది. అంతేకాదు వరసగా నాలుగు పరాజయాలను చవిచూసింది అని చెప్పాలి. అయితే పటిష్టమైన టీమ్స్ చేతుల్లోనే కాదు అటు చిన్న జట్ల చేతుల్లో కూడా దారుణ ఓటములు చవిచూస్తోంది. ఇంగ్లాండ్ జట్టులో ఎంతోమంది ప్రపంచ స్థాయి ఆటగాళ్లు ఉన్నప్పటికీ ఇంగ్లాండ్ ఆట తీరు మాత్రం ఎక్కడా చెప్పుకోదగ్గ విధంగా లేదు. ఇక ఇప్పటికే వరుస పరాజుయాలతో అటు ఇంగ్లాండ్ వరల్డ్ కప్ టోర్ని నుంచి నిష్క్రమించినట్లు అయింది. ఈ క్రమంలోనే ఆసక్తికర విషయం కాస్త ప్రస్తుతం సోషల్ మీడియాలో హాట్ టాపిక్ గా మారిపోయింది.
భారత్ చేతిలో 100 పరుగుల తేడాతో ఓడిపోయిన ఇంగ్లాండ్ జట్టు.. అత్యంత చెత్త రికార్డులను నమోదు చేసింది. డిఫెండింగ్ ఛాంపియన్గా వరల్డ్ కప్ లో బరిలోకి దిగి వరుసగా నాలుగు మ్యాచ్లు ఓడిపోయిన రెండో జట్టుగా నిలిచింది. 1992లో జరిగిన వరల్డ్ కప్ లో ఆస్ట్రేలియా ఇలాగే వరుసగా నాలుగు మ్యాచ్లలో ఓడిపోయింది. అలాగే ఇంగ్లాండ్ వరుసగా మూడు మ్యాచ్లలో 200 రన్స్ లోపే ఆల్ అవుట్ కావడం అటు వరల్డ్ కప్ హిస్టరీలోనే ఇదే మొదటిసారి అని చెప్పాలి. సౌత్ ఆఫ్రికా చేతిలో 170, శ్రీలంక చేతిలో 156, ఇటీవల భారత్ చేతిలో 129 పరుగులకే పరిమితమైంది ఇంగ్లాండు. అంతేకాకుండా 1975 తర్వాత ఆరుగురు ఆటగాళ్లు బౌల్డ్ కావడం ఇదే తొలిసారి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి