ప్రతి ఒక్కరూ జీవితంలో సక్సెస్ కావాలనే ప్రయత్నాలు చేస్తారు. కొందరు ఆ ప్రయత్నాల్లో సక్సెస్ అయితే కొందరు మాత్రం ఫెయిల్ అవుతూ ఉంటారు. జీవితంలో కొన్ని లక్షణాలు ఉన్నవారు సులభంగా సక్సెస్ సాధించే అవకాశం ఉంటుంది. అలాంటి లక్షణాల్లో సమయస్పూర్తి ఒకటి. సమయానుకూలంగా ప్రవర్తించడాన్ని సమయస్పూర్తి అంటారు. జీవితంలో చాలా సందర్భాల్లో సమయస్పూర్తి వల్ల ఎన్నో ప్రయోజనాలు చేకూరుతాయి.
సమయస్పూర్తిని మనం అలవరచుకోగలిగితే పోటీ పరీక్షల్లో కూడా సులభంగా విజయం సాధించవచ్చు. సమయస్పూర్తి ఉంటే పరీక్షలలో అడిగిన ఎటువంటి ప్రశ్నకైనా మనం సరైన సమాధానం రాసే వీలుంటుంది. చాలామంది పరీక్షల కోసం బట్టీ పట్టి చదువుతూ ఉంటారు. అలా చదవడం వల్ల ఎలాంటి ప్రయోజనం ఉండదని గుర్తుంచుకోవాలి. జీవితంలో చేసే ఏ పనిలోనైనా సమయస్పూర్తి మనకు ఎంతో ఉపయోగపడుతుంది.
చేసే ఏ పనిలోనైనా సమయస్పూర్తితో వ్యవహరించాలి. చాలా సందర్భాల్లో సమయస్పూర్తి ఓటమి కోరల నుంచి రక్షిస్తుంది. సమయస్పూర్తి ఉంటే ఆటంకాలు ఎదురైనా వాటిని సులభంగా అధిగమించవచ్చు. ఎటువంటి సమస్యల నుంచైనా సమయస్పూర్తి మనల్ని కాపాడుతుంది. చాలా మంది సక్సెస్ కోసం కష్టపడుతూ ఉంటారు. అలా కష్టపడేవారికి సక్సెస్ దక్కుతుందో లేదో చెప్పలేము కానీ సమయస్పూర్తితో కష్టపడితే సక్సెస్ తప్పక సొంతమవుతుంది.
కష్టపడకుండా సమయస్పూర్తి ఉన్నా ప్రయోజనం శూన్యం. కష్టంతో కూడిన సమయస్పూర్తితో ఉత్తమ ఫలితాలను సొంతం చేసుకునే అవకాశం ఉంటుంది. సీఏ లాంటి పరీక్షలలో ఉత్తీర్ణత సాధించాలంటే సమయస్పూర్తి ఎంతో అవసరం. ప్రతి ఒక్కరూ సమయస్పూర్తిని అలవరచుకుంటే జీవితంలో సులభంగా ఉన్నత స్థానాలకు చేరుకునే అవకాశం ఉంటుంది. సమయస్పూర్తిని అలవరచుకుంటే ఇతరులకు కూడా మనపై మంచి అభిప్రాయం కలిగే అవకాశం ఉంటుంది.
