మధ్యప్రదేశ్ లో ఎన్నికలు ముందుండటంతో.. ఆప్ హామీల వర్షం కురిపించింది. డిగ్రీ పాసైన వారికి రూ.5 వేలు, గృహిణికి రూ.2 వేలు, 300 యూనిట్ల కరెంట్ ఫ్రీ, 60 ఏళ్లు దాటిన వారికి ఉచిత భోజనం లాంటి హామీలిచ్చింది. ఇలాంటి హామీలకు ఏపీ ప్రజలు అట్రాక్ట్ అవుతారు. తెలుగు దేశానికి వచ్చే సరికి హామీ ఇచ్చి.. వాటిని అమలు చేయలేదు కాబట్టి నమ్మే పరిస్థితి లేదు. పవన్ కల్యాణ్ కు ఓటేస్తే ఇస్తాడో లేదో తెలియదు. గతంలో చెప్పినవన్నీ జగన్ అమలు చేశారు కాబట్టి.. ఇవన్నీ జగన్ చెప్తే నమ్ముతారు. లేకపోతే.. ఆప్ వచ్చి ఇలాంటి హామీలు ఇస్తే ఓటు మాత్రం వేయడం ఖాయం.
మరోవైపు ఇప్పటికే జగన్ సర్కారు అనేక హామీలు ఇచ్చింది. వాటిలో చాలా వరకూ అమలు చేసింది. ఇక ఆప్ కూడా అలాంటి హామీలు ఇస్తే.. ఏపీ ఖజనా ఆ భారం తట్టుకుంటుందా అన్న అనుమానం లేకపోలేదు. ఇప్పటికే జగన్ సర్కారు.. ఇచ్చిన హామీలు అమలు చేయలేక కిందా మీదా పడుతోంది. మరి ఇంకా ప్రజాకర్షక పథకాలు ఏపీలో అమలు చేయాలంటే.. ఉన్న వాటిలో కొన్నింటిని ఆపేయాల్సి ఉంటుంది. జగన్ సర్కారు ఇచ్చే హామీల్లో కొన్ని అనవసరం అన్న వాదన కూడా ఉంది. అలాంటి వాటిని తగ్గిస్తే కొత్త హామీలు అమలు చేసే అవకాశం ఉంది.
