ఈ ఏడాది 66.2 శాతం కన్విక్షన్ శాతం ఉందని డీజీపీ రాజేంద్ర నాధ్ రెడ్డి తెలిపారు. మహిళలపై అత్యాచారాల, హత్య కేసులో 44 మందికి శిక్ష పడిందని 88.5 శాతం కేసుల్లో చార్జిషీట్లు వేశామని డీజీపీ రాజేంద్ర నాధ్ రెడ్డి పేర్కొన్నారు. ఏపీలో గంజాయి సాగుని ఆపటానికి చర్యలు తీసుకున్నామని డీజీపీ వివరించారు. 2.45 లక్షల కేజీల గంజాయి సాగును దహనం చేశామని డీజీపీ రాజేంద్ర నాధ్ రెడ్డి వెల్లడించారు. వేరే రాష్ట్రాల్లో కూడా గంజాయి సాగు అడ్డుకోవాల్సి ఉందని డీజీపీ తెలిపారు.
నక్సల్ ప్రభావిత ప్రాంతాల్లో కూడా గంజాయి సాగును దహనం చేశామన్న డీజీపీ రాజేంద్ర నాధ్ రెడ్డి.. గంజాయి సాగు చేసే వారికి ప్రత్యామ్నాయ పంటల విత్తనాలు సబ్సిడీ పై అందించామన్నారు. శాటిలైట్ ఫొటోస్ ద్వారా ఇంకా ఎక్కడైనా గంజాయి సాగు జరుగుతుందేమో చూసి చర్యలు తీసుకుంటామని డీజీపీ రాజేంద్ర నాధ్ రెడ్డి స్పష్టం చేశారు. దిశ యాప్ ద్వారా వచ్చిన 25 వేల ఫిర్యాదుల్లో 1500 ఎఫ్ ఐ ఆర్ లు నమోదు చేశామని డీజీపీ రాజేంద్ర నాధ్ రెడ్డి వివరించారు. వీక్లీ ఆఫ్ కొంత వరకు పోలీసులకు ఇస్తున్నామన్న డీజీపీ రాజేంద్ర నాధ్ రెడ్డి 4 వీక్ ఆఫ్స్ ఇవ్వటానికి ప్రయత్నాలు చేస్తున్నట్లు తెలిపారు.
