తొలి సినిమా తాతమ్మ కల ద్వారా నటుడిగా తెలుగు సినిమా పరిశ్రమకు ఎంట్రీ ఇచ్చిన బాలకృష్ణ, ఆ తరువాత నుండి ఒక్కొక్కటిగా అవకాశాలు అందుకుని హీరోగా కొనసాగారు. అనంతరం వాటితో ఎన్నో గొప్ప విజయాలు దక్కించుకుని తండ్రి ఎన్టీఆర్ కు తగ్గ తనయుడిగా టాలీవుడ్ నటసింహంగా బాలకృష్ణ మంచి పేరు దక్కించుకున్నారు. ఇక ఆయన నట వారసుడుగా కుమారుడు నందమూరి మోక్షజ్ఞ సినిమాల్లోకి హీరోగా ఎంట్రీ ఇవ్వనున్నాడు అంటూ ఇటీవల కొన్నాళ్లుగా పలు మీడియా మాధ్యమాల్లో వార్తలు ప్రసారమైన విషయం తెలిసిందే. అయితే వాటిపై ఇప్పటివరకు ఎక్కడా కూడా అధికారిక సమాచారం లేదు. ఇక నేడు మోక్షజ్ఞ జన్మదినం సందర్భంగా ఆయన మూవీ ఎంట్రీ పై బాలకృష్ణ పక్కాగా ఒక నిర్ణయం తీసుకున్నట్లు టాలీవుడ్ వర్గాల టాక్.
వచ్చే ఏడాది సంక్రాంతి పండుగ నాడు మోక్షజ్ఞ తొలి సినిమా ఎంట్రీ ఉంటుందని, ఈ విషయమై ఇప్పటికే పలువురు దర్శకుల నుండి కథలు విన్న బాలకృష్ణ, అతి త్వరలో అందులోనుండి ఒక కథ ను ఎంపిక చేయనున్నారని అంటున్నారు. మరి ప్రస్తుతం ప్రచారం అవుతున్న ఈ వార్త కనుక నిజమే అయితే మాత్రం ఇది నిజంగా నందమూరి ఫ్యాన్స్ కు పెద్ద పండుగ వార్త అని చెప్పకతప్పదు .....!!