కీరవాణి సంగీతం అందించిన ఈ సినిమాకి సాయి మాధవ్ బుర్రా డైలాగ్స్ రాస్తున్నారు. భారీ యాక్షన్ ఎంటర్టైనర్ గా 1920ల సమయంలో సాగే కథగా వాస్తవికతకు కొంత కల్పితం జోడించి రాజమౌళి తీసిన ఈ సినిమా సూపర్ డూపర్ హిట్ ఖాయం అని యూనిట్ ఆశాభావం వ్యక్తం చేస్తుండగా దీని పై అటు మెగా నందమూరి ఫ్యాన్స్ తో పాటు ఆడియన్స్ అందరిలో కూడా విపరీతమైన అంచనాలు ఉన్నాయి. ఇక రేపు ఈ సినిమా నుండి కొమరం బీమ్ పై సాగే ఎమోషనల్ సాంగ్ తో పాటు మరొక రెండు రోజుల్లో అల్లూరి సీతారామరాజు పై సాగే సాంగ్ ని కూడా యూనిట్ రిలీజ్ చేయనుంది.
అయితే విషయం ఏమిటంటే, ఈ సినిమా నుండి మరొక వారం రోజుల్లో రెండవ ట్రైలర్ రిలీజ్ కానుందనేది లేటెస్ట్ టాలీవుడ్ వర్గాల టాక్. ఇప్పటికే ఇటీవల రిలీజ్ అయిన ట్రైలర్ కి బాగా రెస్పాన్స్ రావడంతో ఒకటిన్నర నిమిషం పాటు సాగే మరొక ట్రైలర్ ని యూనిట్ రిలీజ్ చేయనుందని, త్వరలో దానిపై అనౌన్స్ మెంట్ రానుందని సమాచారం. మరి ఇదే కనుక నిజం అయితే ఆర్ ఆర్ ఆర్ ఫ్యాన్స్ కి ఇది పండుగ న్యూస్ అనే చెప్పాలి. కాగా ఈ సినిమాని 2022 జనవరి 7న ఎంతో భారీ ఎత్తున దాదాపుగా 13000 థియేటర్స్ లో రిలీజ్ చేయనున్నట్లు తెలుస్తోంది. మరి ఎప్పటినుండో ప్రేక్షకాభిమానులు ఎంతో ఆసక్తికరంగా ఎదురు చూస్తున్న ఈ సినిమా ఎంత మేర సక్సెస్ అవుతుందో తెలియాలి అంటే మరికొద్దిరోజుల వరకు ఓపిక పట్టాల్సిందే.
