సితార బ్యానర్ లో సినిమా అంటే దాదాపు హిట్ సినిమా అన్నట్టే లెక్క. ఓ పక్క హారిక హాసిని బ్యానర్ లో పెద్ద సినిమాలు చేస్తూ సితారలో మీడియం బడ్జెట్ సినిమాలు చేస్తున్నారు. అయితే పవన్ సినిమాలు సితార బ్యానర్ లో చేయడం ఎందుకు అంటే వాటికి త్రివిక్రం భాగస్వామ్యం అవుతుండటమే అని తెలుస్తుంది. సితార బ్యానర్ లో ఇప్పటికే మొదలైన వినోదయ సీతం రీమేక్ లో శ్రీలీల ఉంటుందని చెప్పగా ఆ వార్తల్లో నిజం లేదని తెలిసింది. అయితే వైష్ణవ్ తేజ్ తో చేస్తున్న సినిమాలో శ్రీలీల నటిస్తుండగా మరోపక్క సితార చేస్తున్న మరో క్రేజీ ప్రాజెక్ట్ లో శ్రీలీలని తీసుకున్నట్టు తెలుస్తుంది.
ఇదే కాదు మరో రెండు ప్రాజెక్ట్ లలో కూడా సితార బ్యానర్ శ్రీలీలనే ఫిక్స్ చేసినట్టు టాక్. అందులో విజయ్ దేవరకొండ సినిమా కూడ ఉందని తెలుస్తుంది. రౌడీ హీరో విజయ్ దేవరకొండతో గౌతం తిన్ననూరి చేస్తున్న సినిమాలో కూడా శ్రీలీల ఛాన్స్ అందుకుందని తెలుస్తుంది. సో మొత్తానికి శ్రీలీల తెలుగులో వరుస ప్రాజెక్ట్ లతో సత్తా చాటుతుంది. సితార బ్యానర్ లో 3, 4 సినిమాలతో క్రేజ్ తెచ్చుకుంటుంది.
