സെൽഫിയെടുത്തും കുശലം പറഞ്ഞും നടൻ മണിക്കുട്ടൻ. 95-ാം ദിവസമാണ് തമിഴ് നാട്ടിൽ ലോക്ക്ഡൗണിൻറെ പശ്ചാത്തലത്തിൽ ഷോ നിർത്തിവയ്ക്കാൻ തമിഴ്നനാട് സർക്കാർ ആവശ്യപ്പെടുകയുണ്ടായത്. ഇതോടെ ഷോ അവസാനിപ്പിച്ച് മത്സരാർഥികളെ അടുത്തൊരു ഹോട്ടലിലേക്ക് മാറ്റുകയായിരുന്നു. ഇന്ന് രാവിലെ മത്സരാർഥികളെല്ലാം നാട്ടിലേക്കെത്തുകയുണ്ടായി. 10 മത്സരാ‍ർഥികളിൽ എട്ടുപേർ നെടമ്പാശ്ശേരി എയർപോർ‍ട്ടിലും രണ്ട് പേർ തിരുവനന്തപുരം എയർ‍പോർ‍ട്ടിലുമാണ് വന്നിറങ്ങിയത്. കഴിഞ്ഞ തവണത്തേതുപോലെ ഇക്കുറിയും ബിഗ് ബോസ് മലയാളം മൂന്നാം സീസൺ നൂറ് ദിവസം തികയ്ക്കും മുമ്പ് നിർത്തി വയ്‍ക്കേണ്ടി വന്നതോടെ ബിബി ആരാധകർ നിരാശയിലാണ്.
അന്ന് വിജയിയെ തീരുമാനിക്കാനാവാതെയാണ് അവസാനിപ്പിച്ചതെങ്കിൽ ഇക്കുറി വിജയികളെ കണ്ടെത്താനുള്ള അവസരം ബിഗ്ബോസ് പ്രേക്ഷകർക്കാണ് വിട്ടു നൽകിയിരിക്കുന്നത്. എട്ട് മത്സരാർ‍ഥികളാണ് ഫൈനലിസ്റ്റുകളായുള്ളത്. കഴിഞ്ഞ വർഷം ഇതുപോലെ തന്നെ കൊവിഡ് വ്യാപനത്തിൻറെ പശ്ചാത്തലത്തിൽ ബിഗ്ബോസ് മലയാളം സീസൺ 2 നിർത്തിവെച്ചിരുന്നു. 75-ാം ദിവസമായിരുന്നു ഷോ അവസാനിപ്പിച്ചിരുന്നത്. ഫൈനലിലെത്തിയ മത്സരാ‍ർഥികളിൽ നോബി മാർക്കോസ്, കിടിലം ഫിറോസ്, റംസാൻ മുഹമ്മദ്, ഋതു മന്ത്ര, ഡിംപൽ ഭാൽ, സായി വിഷ്ണു, അനൂപ് കൃഷ്ണ എന്നിവർ നെടുമ്പാശ്ശേരി വിമാനത്താവളത്തിൽ ഇന്ന് രാവിലെയെത്തി.
ഷോയിൽ അവസാന ദിവസങ്ങളിൽ പുറത്തായ സൂര്യ മേനോനും ഇവരോടൊപ്പമുണ്ടായിരുന്നു. കിങ്ങ് ഈസ് ബാക്ക്, തല ഓഫ് ബിബി, കിങ് ഈസ് ഓൾവെയ്സ് കംസ് എലോൺ, കൊറോണ ഇല്ലെങ്കിൽ ഇപ്പോൾ എയർപോർട്ടി തൃശൂർപൂരം ആയേനേ തുടങ്ങി നിരവധി കമൻറുകളുമായാണ് മണിക്കുട്ടൻറെ ചിത്രങ്ങൾ ആരാധകർ സോഷ്യൽമീഡിയയിൽ പങ്കുവെച്ചിരിക്കുന്നത്. ഫൈനലിലെത്തിയ മറ്റൊരു മത്സരാർഥിയായ മണിക്കുട്ടനും അവസാന ദിനങ്ങളിൽ പുറത്തായ രമ്യയും തിരുവനന്തപുരം എയർപോർട്ടിൽ ഉച്ചയോടെയാണ് വന്നിറങ്ങിയത്.
സിനിമയിലൂടെ പ്രേക്ഷകർക്ക് പ്രിയപ്പെട്ടവനായ മണിക്കുട്ടനോടൊപ്പം സെൽഫിയെടുക്കാനും മറ്റും നിരവധിപേർ എയർപോർട്ടിൽ എത്തിയിരുന്നു. ഇവരുടെ ചിത്രങ്ങൾ ഫാൻസ് ഗ്രൂപ്പുകളിൽ വൈറലാണ്. ഗെയിം ഇപ്പോഴും നടക്കുകയാണ്, ഇത്രയും ദിവസം നിർത്തിയതിന് പ്രേക്ഷകരുടെ ഇഷ്ടത്തിന് നന്ദി, വോട്ടിങ് നടക്കുകയല്ലേ, ഇപ്പോൾ കൂടുതലൊന്നും പറയാനാകില്ല, ആരാണ് അർഹരുള്ളവർ അവർക്ക് വോട്ട് ചെയ്യുക, എനിക്ക് കിട്ടിയാൽ സന്തോഷം', എന്നാണ് തന്നെ കാണാനെത്തിയ മാധ്യമങ്ങളോട് മണിക്കുട്ടൻ പറഞ്ഞത്.
Find out more:
click and follow Indiaherald WhatsApp channel