കണ്ണനും ലക്ഷ്മിയും എന്റെ കൺമുൻപിൽ വളർന്ന കുട്ടികളാണ്; കെ മാധവന്റെ മകന്റെ വിവാഹ റിസപ്ഷനിൽ പങ്കെടുത്തു മോഹൻലാൽ പറഞ്ഞ വാക്കുകൾ ഇങ്ങനെ! കോഴിക്കോടുള്ള ആഡംബര ഹോട്ടലിൽ വച്ചായിരുന്നു ആഘോഷങ്ങൾ. ഏതാനും ദിവസങ്ങൾക്ക് മുൻപായിരുന്നു മാധവന്റെ മകൻ ഗൗതമിന്റെ വിവാഹം. ചടങ്ങിൽ പങ്കെടുക്കാൻ എത്തിയ ലാലേട്ടന്റെ വാക്കുകൾ ആണ് ഇപ്പോൾ സോഷ്യൽ മീഡിയയിൽ നിറയുന്നത്. തന്റെ മകന്റെ വിവാഹം കൂടുന്ന ഫീൽ ആണ് ഇപ്പോൾ ഉള്ളതെന്നും, മാധവന്റെ മക്കൾ എന്റെ മക്കൾ കൂടിയാണ്. എന്റെ കണ്മുൻപിൽ വളർന്ന കുട്ടികൾ ആണ് അവർ എന്നും ലാലേട്ടൻ പറയുന്നു.ഡിസ്നി ഇന്ത്യ പ്രസിഡന്റ് കെ മാധവന്റെ മകന്റെ വിവാഹ റിസപ്ഷൻ ചടങ്ങുകൾ കഴിഞ്ഞദിവസമാണ് നടന്നത്.
ഞാൻ രാജസ്ഥാനിൽ ആയിരുന്നു ഉണ്ടായിരുന്നത്, അവിടെ നിന്നും എനിക്ക് ഏറ്റവും ഇഷ്ടപെട്ട സൗഹൃദങ്ങളുടെ നഗരമായ കോഴിക്കോട് എങ്ങനെ എത്തും എന്നായിരുന്നു ആകുലത. പക്ഷെ എനിക്ക് എത്താൻ കഴിഞ്ഞു, അത് മാധവനും അദ്ദേഹത്തിന്റെ കുടുംബവും ആയുള്ള സൗഹൃദവും ബന്ധവും കൊണ്ടുതന്നെ ആണ് എന്ന് ഞാൻ വിശ്വസിക്കുന്നു. സൗഹൃദത്തിന് ഞാനും മാധവനും ഒരേ പോലെ പ്രാധാന്യം കൊടുക്കുന്ന ആളുകൾ ആണ്. എനിക്ക് മാധവനുമായി ഒരു ഇരുപത്തിയഞ്ചു വർഷത്തെ ബന്ധമുണ്ട്. ഞങ്ങൾ സുഖങ്ങളും ദുഖങ്ങളും എല്ലാം ഒരുമിച്ചനുഭവിച്ചുകൊണ്ട് തന്നെ മുന്നേറികൊണ്ടിരിക്കുകയാണ്.
എല്ലാവർക്കും സന്തോഷകരമായ സായാഹ്നം നേരുന്നു എന്ന് പറഞ്ഞുകൊണ്ടാണ് ലാലേട്ടൻ സംസാരിച്ചു തുടങ്ങിയത്. ചില അപൂർവ്വ സന്ദർഭങ്ങൾ നമ്മുടെ ജീവിതത്തിൽ ഉണ്ടാകാറുണ്ട്. അത്തരത്തിൽ ദൈവത്തോട് ഞാൻ നന്ദി പറയുകയാണ് അത്തരം ഒരു അവസരം എനിക്ക് തന്നതിൽ. കാരണം ഞാൻ ഈ വിവാഹത്തിന് പങ്കെടുക്കാൻ എത്തും എന്ന് വിചാരിച്ചതല്ല.അതുകൊണ്ടുതന്നെ ഞങ്ങളുടെ യാത്രകളിൽ അദ്ദേഹത്തെ കൂടുതൽ അറിയാനും പരിചയപ്പെടാനും ഞങ്ങളുടെ സൗഹൃദം പുതുക്കാനും ഒക്കെ സാധിക്കുന്നുണ്ട്.
അദ്ദേഹത്തിന്റെ മക്കളായ കണ്ണനും ലക്ഷ്മിയും, (ഗൗതമും, ലക്ഷ്മിയും) എനിക്ക് എന്റെ കുട്ടികളെ പോലെ തന്നെ ആണ്. അവരുടെ ചെറുപ്പം മുതൽ വളർന്നു വരുന്ന കാലഘട്ടങ്ങൾ എല്ലാം കണ്ടുകൊണ്ടിരുന്ന ആളാണ് ഞാൻ. കണ്ണനും ഹിരാങ്കിയും വിവാഹിതർ ആകുന്നു എന്ന് പറഞ്ഞു കേട്ടപ്പോൾ തന്നെ കാലം എത്ര വേഗം കുതിക്കുന്നു എന്ന് മനസിലാകുന്നു.മാധവന്റെ കുടുംബവുമായി ഒക്കെ ഒരുപാട് യാത്രകൾ നമ്മൾ പോകാറുണ്ട്. ഞാൻ മാത്രമല്ല ഞങ്ങൾക്ക് ഒരുപറ്റം സുഹൃത്‌വലയങ്ങളുണ്ട് അവർ എല്ലാവരുമായി നമ്മൾ യാത്ര പോകാറും ഉണ്ട്. അത്തരം യാത്രകളിൽ ആണ് നമ്മൾ ഒരാളെ കൂടുതൽ മനസിലാക്കുകയും അടുത്തറിയുകയും ചെയ്യുന്നത്.
മാധവനും വ്യക്തി ബന്ധങ്ങൾക്ക് വളരെ അധികം പ്രാധാന്യം കൊടുക്കുന്ന ആളാണ്.എന്റെ മകന്റെ വിവാഹത്തിൽ എന്ന പോലെ എനിക്ക് സന്തോഷം നൽകുന്ന നിമിഷം ആണ് ഇത്. എന്റെ കുടുംബത്തിന് എത്തിച്ചേരാൻ കഴിഞ്ഞില്ല. എന്ത് തന്നെ ആയാലും നവദമ്പതിമാർക്ക് എന്റെയും കുടുംബത്തിന്റെയും ആശംസ. ജീവിതം മനോഹരമായ ഒരു യാത്രയാണ്. അതിൽ രണ്ടുപേരും അടുത്തറിഞ്ഞു ഒരുമിച്ചു പോകുമ്പോൾ അത് മനോഹരമായ ഒരു സംഗീതം പോലെ ആകുന്നു. ഇത്തരം സന്തോഷസമാഗമ വേളയിൽ വലിച്ചു നീട്ടുന്നില്ല. കവി പറഞ്ഞ പോലെ ഒരു വാക്ക് ഒരു ചിരി ഞാൻ സന്തുഷ്ടവാനാണ്. സത്യത്തിൽ വളരെ അധികം സന്തോഷമുണ്ട്.- മോഹൻലാൽ പറഞ്ഞു.
Find out more:
click and follow Indiaherald WhatsApp channel