കാറുകൾ വെള്ളത്തിലൊലിച്ചു പോകുകയാണ്; വീഡിയോ പങ്കുവച്ച് റഹ്മാൻ! തങ്ങളുടെ പ്രീയപ്പെട്ട താരങ്ങൾ സുരക്ഷിതരാണോ എന്ന വാർത്തയ്ക്കായുള്ള കാത്തിരിപ്പിലാണ് എല്ലാവരും. താരങ്ങളുടെ സമൂഹ മാധ്യമങ്ങളിലെ അക്കൗണ്ടുകളിൽ ആരാധകർ അന്വേഷിക്കുന്നതും ഇത് തന്നെയാണ്. ഇതിനിടയിൽ ചെന്നൈ നഗരത്തെ വെള്ളത്തിലാഴ്ത്തിയ മഴയുടെ ദൃശ്യങ്ങളും മിഷോങ് ചുഴലിക്കാറ്റിന്റെ ഭീകരത വ്യക്തമാക്കുന്നതുമായ ഒരു വിഡിയോ പങ്കുവച്ചിരിക്കുമാകയാണ് നടൻ റഹ്മാൻ. ഒരു ഫ്ലാറ്റിന്റെ മുകളിൽ നിന്നും പകർത്തിയ വീഡിയോ ദൃശ്യമാണ് ഇത്. കഴിഞ്ഞ ദിവസം രാത്രി പെയ്ത മഴയിൽ ചെന്നൈ നഗരത്തിന്റെ പ്രധാനമേഖലയിൽ വെള്ളം കയറിയതായി വാർത്തകൾ വന്നതുമുതൽ സിനിമ ആരാധകരും ആശങ്കയിൽ ആയിരുന്നു. മലയാളത്തിലെയും തമിഴിലെയും ഉൾപ്പെടെ പ്രമുഖ താരങ്ങൾ എല്ലാവരും താമസിക്കുന്നത് ചെന്നൈയിൽ ആണ് എന്നത് തന്നെയാണ് ഈ ആശങ്കയ്ക്ക് കാരണം.
അതേസമയം ചെന്നൈ, തിരുവള്ളൂർ, ചെങ്കൽപേട്ട്, കഞ്ചീപുരം ജില്ലകളിൽ റെഡ് അലേർട്ട് പ്രഖ്യാപിച്ചിട്ടുണ്ട്. വടപളനി, താംബരം ഉൾപ്പെടെ മിക്കയിടങ്ങളിലും വീടുകളിലും വെള്ളം കയറുകയും അധികൃതർ ജാഗ്രതാ നിർദേശം പുറപ്പെടുവിക്കുകയും ചെയ്തിട്ടുണ്ട്. വെള്ളക്കെട്ടുകളിൽ ഇറങ്ങരുതെന്നും ആളുകൾക്ക് നിർദേശം നൽകിയിട്ടുണ്ട്. ചെന്നൈ നഗരത്തിലെ പ്രധാന സബ് വേകളും അടിപ്പാലങ്ങളും വെള്ളത്തിൽ മുങ്ങിയിരിക്കുകയാണ്. നഗരത്തിന്റെ വിവിധ ഭാഗങ്ങളിൽ മരങ്ങളിൽ കടപുഴകി വീഴുകയും മറ്റും ചെയ്തതിലാണ് പലയിടങ്ങളിലും വൈദ്യുതി നിലക്കുകയും ചെയ്തിട്ടുണ്ട്. കേരളത്തിലേക്ക് അടക്കമുള്ള 18 ട്രെയിനുകളും 20 വിമാനസർവീസുകളും റദ്ദാക്കുകയും ചെയ്തിട്ടുണ്ട്. വെള്ളക്കെട്ടിനെ തുടർന്ന്, മെട്രോ, സബർബൻ ട്രെയിൻ സർവീസുകളും റദ്ദാക്കി.
വൈകിട്ട് വരെ അതിശക്തമായ മഴ തുടരുമെന്നാണ് മുന്നറിയിപ്പ്. എന്നാൽ മിഷോങ് ചുഴലിക്കാറ്റ് ഇന്ന് കര തൊടും എന്നാണ് റിപ്പോർട്ടുകൾ. ശക്തമായ മഴയിലും വെള്ളപ്പൊക്കത്തിലും ചെന്നൈ നഗരം മുങ്ങിയത് ദൃശ്യങ്ങളിൽ കാണാം. ഒരു അപ്പാർട്മെന്റിനു താഴെ പാർക്ക് ചെയ്തിരുന്ന വാഹനങ്ങൾ വെള്ളത്തിന്റെ ഒഴുക്കിൽപെട്ടു പോകുന്ന ദൃശ്യങ്ങളും വിഡിയോയിൽ ഉണ്ട്. ദുരിതപൂർണവും അതികഠിനവുമായ ഒരു അവസ്ഥയിലൂടെയാണ് ചെന്നൈ നിവാസികൾ കടന്നു പോകുന്നത് എന്ന് ദൃശ്യങ്ങളിൽ നിന്നും വ്യക്തമാണ്. മിഷോങ് ചുഴലിക്കാറ്റിന്റെ ഭീകരതയും വിഡിയോയിൽ ദൃശ്യമാണ്. റഹ്മാനും കുടുംബവും സുരക്ഷിതരാണോ എന്നും നിങ്ങൾ പകർത്തിയ നിങ്ങളുടെ ഫ്ലാറ്റിനു താഴെയുള്ള ദൃശ്യങ്ങൾ ആണോ ഇത് എന്നൊക്കെ ആരാധകർ വീഡിയോയ്ക്ക് താഴെ കമന്റ് ആയി ചോദിക്കുന്നുണ്ട്.
മിഷോങ് ചുഴലിക്കാറ്റിന്റെ പ്രതിഫലനം എന്നും ഇന്നത്തെ ചെന്നൈയിലെ അവസ്ഥ എന്നും പറഞ്ഞുകൊണ്ടാണ് റഹ്മാൻ വീഡിയോ പങ്കുവച്ചിരിക്കുന്നത്. ഇതിനിടയിൽ തന്റെ ഏറ്റവും പുതിയ സിനിമയായ രജനിയുടെ പ്രമോഷനുമായി ബന്ധപ്പെട്ടു കേരളത്തിൽ ഇന്ന് എത്തേണ്ടിയിരുന്ന കാളിദാസ് ജയറാം തന്റെ യാത്ര മാറ്റി വച്ചതായി അറിയിച്ചിരുന്നു. വർഷങ്ങളായി ജയറാമും കുടുംബവും ചെന്നൈയിൽ ആണ് താമസം. ശക്തമായ മഴയെയും വെള്ളപ്പൊക്കത്തെയും തുടർന്നാണ് കാളിദാസ് യാത്ര മാറ്റിയത്. കാളിദാസിന്റെ അഭാവത്തിൽ പ്രൊമോഷൻ ഷൂട്ടുകൾ അണിയറപ്രവർത്തകർ മാറ്റിയവച്ചതായി അറിയിച്ചിട്ടുണ്ട്.
Find out more:
click and follow Indiaherald WhatsApp channel