చెన్నైలోని పల్లవరంలో సాధారణ మధ్యతరగతి కుటుంబంలో పుట్టి పెరిగిన సమంత, సినిమాల్లోకి రావడం అంత సులభమేం కాలేదు. అడుగులు వేసుకుంటూ, మెల్లమెల్లగా తన లక్ష్యం వైపు సాగింది. ఆమెను తెలుగు ప్రేక్షకులకు పరిచయం చేసింది... దిగ్గజ దర్శకుడు గౌతమ్ మీనన్. ఆయన తెరకెక్కించిన బ్యూటిఫుల్ లవ్ స్టోరీ ఏ మాయ చేశావేతో నటిగా ఎంట్రీ ఇచ్చింది. జెస్సీగా ఆమె ఒలికించిన నటన... అచ్చం పక్కింటి అమ్మాయిలా అనిపించింది. ఒక్క సినిమాతోనే తమిళ, తెలుగు రాష్ట్రాల యూత్ మొత్తం ఆమెకు ఫిదా అయిపోయారు. ఆ లవ్ స్టోరీ ఎంత పెద్ద హిట్టయ్యిందో... ఆ సినిమా సెట్లోనే ఆమె జీవితపు లవ్ స్టోరీ కూడా మొదలయ్యింది. తన సహ నటుడు నాగ చైతన్యతో అక్కడే ప్రేమ చిగురించింది.
ఆ ఒక్క సినిమా సక్సెస్‌తో సమంత వెనక్కి తిరిగి చూసుకోవాల్సిన అవసరమే రాలేదు. ఇక తెలుగులో ఆమె జైత్రయాత్ర మొదలైంది. జూనియర్ ఎన్టీఆర్ లాంటి స్టార్ హీరోతో బృందావనం, సూపర్ స్టార్ మహేష్ బాబుతో దూకుడు వంటి ఇండస్ట్రీ హిట్ సినిమాలు... పైగా క్రియేటివ్ డైరెక్టర్ ఎస్.ఎస్. రాజమౌళి గారు ఈగగా మారి తీసిన అద్భుతం ఈగ... ఇవన్నీ ఆమెను ఓవర్ నైట్ స్టార్‌గా మార్చేశాయి. స్వతహాగా తమిళ అమ్మాయి అయినా, ఆమెకు తెలుగులోనే ఊహించని స్థాయి స్టార్‌డమ్, పాపులారిటీ దక్కాయి.
అయినా, తమిళ ప్రేక్షకులను కూడా నిరాశపరచలేదు. సూర్యతో అంజాన్, దళపతి విజయ్‌తో కత్తి, తేరి వంటి కమర్షియల్ హిట్స్‌తో పాటు... రిస్క్ అని తెలిసినా, ధైర్యం చేసి చేసిన సూపర్ డీలక్స్ వంటి ప్రయోగాత్మక సినిమాలోనూ తన టాలెంట్‌ను నిరూపించుకొని, తమిళంలోనూ తనకంటూ ఓ ప్రత్యేక స్థానాన్ని సంపాదించుకుంది.
కెరీర్ పీక్స్‌లో ఉన్న సమంత... వ్యక్తిగత జీవితంలో మాత్రం పెను తుఫానులను చూసింది. ఏడేళ్ల పాటు కొనసాగిన స్వచ్ఛమైన ప్రేమ... ఆపై 2017లో అంగరంగ వైభవంగా జరిగిన పెళ్లి... అన్నీ బాగున్నాయి అనుకుంటున్న తరుణంలో... విధి వేరేలా రాసింది. సరిగ్గా నాలుగు సంవత్సరాలకే... 2021లో ఆమె, నాగ చైతన్య విడిపోతున్నట్లు అధికారికంగా ప్రకటించారు. ఈ షాకింగ్ నిర్ణయం సమంతను తీవ్రంగా కుంగదీసింది. గుండె బద్దలైన ఆమె... డిప్రెషన్ అంచుల్లోకి వెళ్లిపోయింది. ఒకవైపు వ్యక్తిగత బాధతో సతమతమవుతుంటే, మరోవైపు ఆన్‌లైన్‌లో నెటిజన్ల నుంచి దారుణమైన ట్రోలింగ్, వేధింపులు ఎదుర్కోవాల్సి వచ్చింది. ఆ అత్యంత క్లిష్టమైన దశలో... ఆత్మబలంతో పాటు, ఆధ్యాత్మికత ఆమెకు అండగా నిలిచింది.
ఒకవైపు విడాకుల బాధ నుంచి, ట్రోలింగ్ వేదన నుంచి నెమ్మదిగా కోలుకుంటున్న సమయంలోనే... సమంతను మరో ఊహించని కష్టాల సుడిగుండం చుట్టుముట్టింది. అదే 'మయోసైటిస్' అనే అరుదైన, తీవ్రమైన ఆటో ఇమ్యూన్ వ్యాధి. శరీరాన్ని బలహీనపరిచే ఆ వ్యాధి ఇచ్చే నొప్పినైనా, నిస్సత్తువనైనా లెక్కచేయకుండా... సమంత ఓ యోధురాలిలా పోరాడింది. చికిత్స తీసుకుంటూనే, ఆత్మస్థైర్యం కోల్పోకుండా... తిరిగి సినిమాల్లోకి అడుగుపెట్టింది. యశోద, శాకుంతలం లాంటి విభిన్న పాత్రలు చేస్తూనే... ఐకాన్ స్టార్ అల్లు అర్జున్ బ్లాక్ బస్టర్ పుష్ప: ది రైజ్లో 'ఊ అంటావా మావ...' అనే స్పెషల్ సాంగ్‌తో దేశం మొత్తం షేక్ చేసింది. అనారోగ్యంతో ఉన్నా, ఆ పాట కోసం ఆమె పడిన కష్టం, చూపించిన కమిట్‌మెంట్ చూసి యావత్ ఇండియా ఫిదా అయిపోయింది. ఆ పాటతో ఆమె పాన్-ఇండియా స్థాయిలో మరింత పాపులర్ అయింది.
నేడు 38వ పుట్టినరోజు జరుపుకుంటున్న సందర్భంగా... ప్రపంచవ్యాప్తంగా ఉన్న అభిమానులు ఆమె టాలెంట్‌ను, తెగువను మనసారా అభినందిస్తున్నారు. హ్యాపీ బర్త్ డే సమంత, నువ్వు ఎప్పుడూ మా 'క్వీన్'వే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి