ఆగస్టు 14న మాత్రం హై వోల్టేజ్ అంచనాలతో రెండు భారీ సినిమాలు ఢీ కొట్టాయి – వార్ 2, కూలీ. ఈ రెండూ రిలీజ్ అవుతాయనే అనౌన్స్మెంట్తోనే టాలీవుడ్ వాతావరణం వేడెక్కింది. ఫ్యాన్స్ కూడా ఫెస్టివల్ మూడ్లోకి వెళ్లారు. మొదటి రోజు ఉదయం షోలు, ఓపెనింగ్స్ వసూళ్లు అదరగొట్టాయి. కానీ అక్కడితోనే గేమ్ ఫినిష్ అయింది. సినిమాల్లో స్టఫ్ లేకపోవడం, కథలు బలహీనంగా ఉండటంతో రెండూ రెండు రోజుల్లోనే డౌన్ అయ్యాయి. వార్ 2 బయ్యర్లకు పెద్ద నష్టం మిగిల్చింది. కూలీ కూడా నష్టాల దారి పట్టింది కానీ డామేజీ మాత్రం వార్ 2కి ఎక్కువైంది. ఇక మధ్యలో వచ్చిన అనుపమ పరమేశ్వరన్ పరదా కూడా బాక్సాఫీస్ని మెప్పించలేకపోయింది. థీమ్ బాగానే ఉన్నా, చెప్పే తీరు లోపించడంతో ఆ సినిమా కూడా డిజాస్టర్గా మిగిలిపోయింది.
మేఘాలు చెప్పిన ప్రేమకథ, కన్యాకుమారి మూవీలు విడుదలకు ముందు కాస్త హడావుడి చేసినా, కంటెంట్ లేకపోవడంతో ప్రేక్షకుల మదిలో నిలవలేకపోయాయి. చివరి వారంలో రిలీజైన బార్బరిక్, అర్జున్ చక్రవర్తి, సుందరకాండ కొంత హడావుడి చేసినా… పరిస్థితి అలాగే కొనసాగింది. సుందరకాండకు మంచి రివ్యూలు వచ్చాయి, కాని బాక్సాఫీస్ వద్ద కలెక్షన్లు మాత్రం కనిపించలేదు. మిగతా సినిమాల పరిస్థితి కూడా బెటర్ కాదు. మొత్తం మీద 2025 ఆగస్ట్లో ఒక్క హిట్ కూడా లేకుండా టాలీవుడ్ ఖాతా ఖాళీగా మిగిలింది. వరుస పరాజయాలు నిర్మాతలు, బయ్యర్లను తీవ్రంగా ఇబ్బంది పెట్టాయి. ఈ దెబ్బ నుంచి తేరుకోవాలంటే సెప్టెంబర్లో ఏదో ఒక అద్భుతమైన విజయం రావాల్సిందే అని ఇండస్ట్రీలో చర్చ మొదలైంది. నిజంగానే 2025 ఆగస్ట్ – టాలీవుడ్ బాక్సాఫీస్ చరిత్రలో అత్యంత నిరాశజనకమైన నెలగా రికార్డు కట్టేసింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి