మహేష్ బాబు లుక్ అయితే అభిమానులను మరింత ఆకట్టుకున్నట్లుగా కనిపిస్తోంది. ముఖ్యంగా వారణాసి చిత్రములో మహేష్ బాబు రుద్ర అనే పాత్రలో కనిపించబోతున్నారు.ఈ రుద్ర పేరు శివుడిని సూచిస్తుంది. ఎలాంటి సమస్యలనైనా సరే ఎదురుగా నిలబడి ఎదుర్కొనే వీరుడుగా మహేష్ బాబు ఈ సినిమాలో కనిపించబోతున్నట్లు తెలుస్తోంది. ఇక ప్రియాంక చోప్రా కూడా ఇందులో మందాకిని పాత్రలో కనిపించబోతోంది. మలయాళ హీరో పృథ్వీరాజ్ సుకుమారన్ కుంభ పాత్రలో కనిపించబోతున్నారు. ఇంకా ఈ చిత్రానికి సంబంధించి మరికొంతమంది నటీనటులు కూడా కీలకమైన పాత్రలో నటిస్తున్నట్లు సమాచారం.
ఇప్పుడు ఎక్కడ చూసినా ఈ ఈవెంట్ గురించి సందడి కనిపిస్తోంది. వందలాదిమంది మహేష్ బాబు అభిమానులు చేరుకొని మరీ ఈ ఈవెంట్లో రిలీజ్ చేసిన గ్లింప్స్ ను సోషల్ మీడియాలో షేర్ చేస్తున్నారు. ముఖ్యంగా మహేష్ బాబు ఎద్దు పై స్వారీ చేస్తూ.. నందిపై శివుడులా వస్తున్న తీరు అభిమానులను మరింత ఆకట్టుకుంటోంది. ఈ చిత్రాన్ని సుమారుగా రూ .1000 కోట్ల బడ్జెట్ తో తెరకెక్కిస్తున్నారు. ప్రస్తుతం రామోజీ ఫిలిం సిటీ లో జరుగుతున్న గ్లోబ్ ట్రోటర్ ఈవెంట్ కి మహేష్ బాబు , ప్రియాంక చోప్రా వచ్చిన తీరు చాలా స్టైలిష్ గా కనిపిస్తోంది. ఇందుకు సంబంధించిన వీడియో లు కూడా వైరల్ గా మారుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి