హైదరాబాద్ పబ్లిక్ స్కూల్‌లో స్కూలింగ్ పూర్తి చేసిన తరువాత, మణిపాల్ యూనివర్సిటీలో మాస్ కమ్యూనికేషన్‌లో డిగ్రీ చేశారు. కానీ అక్కడితో ఆగలేదు. తన డ్రీమ్‌ను అంతర్జాతీయ స్థాయికి తీసుకెళ్లాలన్న లక్ష్యంతో న్యూయార్క్ ఫిల్మ్ అకాడమీలో ఫిల్మ్ డైరెక్షన్ కోర్సు చేశారు. ఇదే ఆయన విజన్‌కి మరింత పదును పెట్టింది. తిరిగి వచ్చాక 'లీడర్', 'లైఫ్ ఈజ్ బ్యూటిఫుల్' వంటి చిత్రాలకు అసిస్టెంట్ డైరెక్టర్‌గా పనిచేసి, సినిమా నిర్మాణం, కథ చెప్పే పద్ధతులు, నటుల‌తో కమ్యూనికేషన్ — అన్నీ నేర్చుకున్నారు. ఇవన్నీ తర్వాత ఆయన డైరెక్ట్ చేసిన ‘ఎవడే సుబ్రహ్మణ్యం’ మరియు ‘మహానటి’లాంటి సినిమాల్లో స్పష్టంగా కనబడతాయి.
సినిమాకన్నా అందమైన ప్రేమకథ:
నాగ్ అశ్విన్ కెరీర్ ఎలా స్టెప్ బై స్టెప్‌గా ఎదిగిందో, ఆయన లవ్ స్టోరీ కూడా అంతే సులభంగా… అంతే ప్యూర్‌గా సాగింది. సినిమాల్లో లా పెద్ద డ్రామా లేదు, ఓ సినిమా షూటింగ్‌లో మొదలైన ప్రేమ లేదు. కొన్ని యాడ్ ఫిల్మ్స్‌కి కలిసి పని చేస్తూ వీరిద్దరూ పరిచయం అయ్యారు. ఆ పరిచయం స్నేహంగా మారింది… ఆ స్నేహం రోజురోజుకూ ప్రేమగా మారింది. ఒకసారి ప్రియాంక తన పెళ్లి ప్రపోజల్స్ గురించి నవ్వుతూ మాట్లాడుతుంటే, “ఎవరైనా నచ్చితే చాలు, పెళ్లి చేసుకోవచ్చు” అని సరదాగా అంది. ఆ మాట విన్న నాగ్ అశ్విన్ వెంటనే, “అయితే మనమే చేసుకుందాం మరి!” అని చలాకీగా ప్రపోజ్ చేశారు. అతి సింపుల్‌గా జరిగిన ఈ ప్రపోజల్‌కి ప్రియాంక వెంటనే ఓకే చెప్పడంతో, 2015 డిసెంబర్ 6న వీరిద్దరూ పెళ్లి పీటలు ఎక్కారు.ప్రస్తుతం వీరికి రిషి అనే బాబు ఉన్నారు. రిషి పుట్టిన తరువాత ఈ జంట జీవితం మరింత కలర్‌ఫుల్ అయింది.
ప్రియాంక దత్ టాలీవుడ్‌లో అత్యంత గౌరవనీయులైన నిర్మాత సి. అశ్వినీదత్ గారి కుమార్తె. అయితే ఆమె కేవలం “స్టార్ ప్రొడ్యూసర్ కూతురు” అనే ట్యాగ్‌పై ఆధారపడలేదు. చిన్న వయసులోనే ‘థ్రీ ఏంజెల్స్ స్టూడియో’ అనే నిర్మాణ సంస్థను స్థాపించి, నిర్మాతగా తనకంటూ ప్రత్యేక గుర్తింపు సంపాదించుకుంది. 1974లో ప్రారంభమైన వైజయంతీ మూవీస్ తెలుగు సినిమా చరిత్రలో ఓ మైలురాయి. నాగ్ అశ్విన్ ఈ కుటుంబంలోకి అల్లుడిగా రావడం ఆయన వ్యక్తిగత జీవితం మాత్రమే కాదు, సినిమా ప్రపంచంతో ఉన్న అతని బంధాన్ని మరింత దృఢం చేయించింది. ప్రియాంక–నాగ్ అశ్విన్ జంట ఇప్పుడు కేవలం వ్యక్తిగతంగా కాదు, ప్రొఫెషనల్‌గా కూడా ఒక సక్సెస్‌ఫుల్ టీంగా మారారు. ‘మహానటి’ వంటి మహద్భుత చిత్రానికి ప్రియాంక కూడా నిర్మాతగా సహకరించడం ఈ జంట సినిమా ప్రపంచంలో ఎంత బలమైన అండర్‌స్టాండింగ్‌తో పనిచేస్తున్నారో చూపిస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి