తల్లిదండ్రులు మందలించారని లేదా టీచర్ తిట్టిందని..స్నేహితుల తో గొడవ జరిగిందని ఇలా చిన్నచిన్న కారణాలకే మనస్థాపం చెంది కఠిన నిర్ణయాలు తీసుకొని చివరికి బలవన్మరణాలకు పాల్పడుతున్నారు. నిండు నూరేళ్ల జీవితాన్ని అర్ధాంతరంగా ముగిస్తున్న ఘటనలు ఈ మధ్యకాలంలో కోకొల్లలుగా తెరమీదికి వస్తున్నాయి అన్న విషయం తెలిసిందే. ఇక్కడ ఇలాంటి విషాదకర ఘటన జరిగింది. తల్లిదండ్రులు బాలికను ఎంతో అల్లారుముద్దుగా పెంచుకున్నారు. ఏ కష్టం రాకుండా చూసుకుంటున్నారు. కానీ ఇటీవలే ఆ బాలిక తీసుకున్న నిర్ణయం తల్లిదండ్రులకు కడుపుకోత మిగిల్చింది.
స్నేహితులు దూరం అవుతున్నారు అని ఎంతగానో బాధపడి చివరికి మనస్థాపంతో కఠిన నిర్ణయం తీసుకుంది ఏడవ తరగతి చదువుతున్న బాలిక. చివరికి ఉరివేసుకుని ఆత్మహత్యకు పాల్పడి ఆ తల్లిదండ్రులకు తీరని శోకాన్ని నింపింది. ఘటన ఆంధ్రప్రదేశ్ రాష్ట్రంలోని అనంతపురం జిల్లాలో వెలుగులోకి వచ్చింది. ఊరువదిలి వెళితే తన స్నేహితుల దూరం అవుతారని మనస్థాపం చెందిన బాలిక.. ఈ క్రమంలోనే ఐ హేట్ మై లైఫ్, అమ్మ ఐ లవ్ యు.. నాన్న అమ్మని బాగా చూసుకో అంటూ ఒక సూసైడ్ నోట్ రాసి గదిలో ఆత్మహత్య చేసుకుంది. ఇక భోజనానికి పిలిచేందుకు వెళ్ళిన తల్లి విగతజీవిగా ఉరికొయ్యకు వేలాడుతున్న కూతుర్ని చూసి బోరున విలపించింది.