പിന്നെയും സൗജന്യ കിട്ടുമായി കേരളം സർക്കാർ! റേഷൻ കടകൾ വഴി അടുത്തയാഴ്ച മുതൽ കിറ്റ് വിതരണം ചെയ്തു തുടങ്ങുമെന്ന് മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു. സംസ്ഥാനത്ത് ജോലി ചെയ്യുന്ന അന്യസംസ്ഥാന തൊഴിലാളികൾക്കും കിറ്റ് വിതരണം ചെയ്യുമെന്ന് മുഖ്യമന്ത്രി അറിയിച്ചു. കൊവിഡ് 19 ലോക്ക്ഡൗൺ പരിഗണിച്ച് സംസ്ഥാനത്ത് ഈ മാസവും സൗജന്യ ഭക്ഷ്യ കിറ്റ് വിതരണം ചെയ്യും. വീടുകൾക്കുള്ളിലും രോഗവ്യാപനത്തിനു സാധ്യതയേറെയാണെന്നും വീടിനുള്ളിലെ പൊതുഇടങ്ങൾ കുറയ്ക്കണമെന്നും മുഖ്യമന്ത്രി നിർദേശിച്ചു. ടിവി കാണുന്നതിനും പ്രാർഥനയ്ക്കും ഒരുമിച്ച് ഇരിക്കുന്നത് ഒഴിവാക്കണം.
പ്രത്യേകം മുറികളിലോ ഒറ്റയ്ക്കോ വേണം ഇത്തരം കാര്യങ്ങൾ. ഒരാൾ ഉപയോഗിച്ച പാത്രങ്ങൾ അടുത്തയാൾ ഉപയോഗിക്കുന്നതിനു മുൻപ് സോപ്പ് ഉപയോഗിച്ച് കഴുകണം. അയൽപ്പക്കത്തുള്ളവരുമായി സംസാരിക്കുമ്പോൾ ഇരട്ട മാസ്ക് നിർബന്ധമായും ഉപയോഗിക്കണമെന്നും സാധനങ്ങൾ കൈമാറിയാൽ സോപ്പിട്ട് കൈകഴുകണമെന്നും മുഖ്യമന്ത്രി നിർദേശിച്ചു. അത്യാവശ്യകാര്യങ്ങൾക്ക് പുറത്തു പോകാൻ പോലീസിൻ്റെ പാസ് നിർബന്ധമാണെന്നും മുഖ്യമന്ത്രി വ്യക്തമാക്കി. കൊവിഡ് 19 നിയന്ത്രണങ്ങൾ ജനങ്ങൾ കർശനമായി പാലിക്കണമെന്ന് മുഖ്യമന്ത്രി ആവശ്യപ്പെട്ടു. ചിട്ടി, കടം എന്നിവയുടെ മാസപ്പിരിവ് ലോക്ക്ഡൗൺ തീരുന്നതു വരെ വേണ്ടെന്ന് മുഖ്യമന്ത്രി പറഞ്ഞു. അന്യസംസ്ഥാന തൊഴിലാളികൾക്ക് ജോലിസ്ഥലത്തു തന്നെ താമസസൗകര്യവും ലഭ്യമാക്കണമെന്നും മുഖ്യമന്ത്രി അറിയിച്ചു.
കൊവിഡ് 19 രോഗവ്യാപനം കുറയ്ക്കാനായി മെയ് 8 മുതൽ മെയ് 16 വരെ ലോക്ക്ഡൗൺ ഏർപ്പെടുത്തുന്ന സാഹചര്യത്തിലാണ് മുഖ്യമന്ത്രി ഇക്കാര്യങ്ങൾ അറിയിച്ചത്. സമൂഹമാധ്യമങ്ങളിലൂടെ തെറ്റായ വിവരങ്ങൾ പ്രചരിപ്പിച്ചാൽ നടപടിയെടുക്കുമെന്ന് അദ്ദേഹം മുന്നറിയിപ്പ് നൽകി. ബാങ്കുകളുടെ പ്രവർത്തനം തിങ്കൾ, ബുധൻ, വെള്ളി ദിവസങ്ങളിൽ മാത്രമാക്കി പരിമിതപ്പെടുത്തണമെന്നും മുഖ്യമന്ത്രി പറഞ്ഞു. അതേസമയം കേരളത്തിൽ കോവിദഃ രോഗികളുടെ എന്നതിൽ വർധനവുണ്ടായിരിക്കുകയാണ്. മാത്രമല്ല ലാബുകളുടെ ഹർജി തള്ളി ഹൈക്കോടതി തള്ളിയിരിക്കുകയാണ്. കൊവിഡ്-19 വ്യാപനം രൂക്ഷമായ സാഹചര്യത്തിൽ ആർടിപി സിആർ പരിശോധനാ നിരക്ക് 500 രൂപയാക്കിയ സർക്കാർ ഉത്തരവിൽ സ്‌റ്റേയില്ല. സർക്കാർ നിർദേശം സ്‌റ്റേ ചെയ്യണമെന്ന ലാബ് ഉടമകളുടെ ആവശ്യം ഹൈക്കോടതി തള്ളി. സ്വകാര്യ ലാബുകൾ നൽകിയ ഹർജി ഹൈക്കോടതി തള്ളുകയായിരുന്നു. സംസ്ഥാനത്ത് ഇത് ആറാം തവണയാണ് കൊവിഡ് പരിശോധനാനിരക്ക് കുറച്ചത്.
പരിശോധന കിറ്റിൻ്റെ ലഭ്യത വർധിക്കുകയും നിരക്ക് കുറയുകയും ചെയ്‌ത സാഹചര്യത്തിലാണ് ആർടിപി സിആർ പരിശോധന നിരക്ക് കുറച്ചത്. ആർടിപി സിആർ പരിശോധനയ്‌ക്കായി 135 രൂപ മുതൽ 245 രൂപ വരെ മാത്രമേ ചെലവ് വരുകയുള്ളൂവെന്ന് കോടതി പറഞ്ഞു. പരിശോധനാ നിരക്ക് 1700ൽ നിന്ന് 500 രൂപയാക്കി കുറച്ച സർക്കാർ നടപടിയെ ചോദ്യം ചെയ്‌ത് പത്ത് സ്വകാര്യ ലാബുകളാണ് ഹൈക്കോടതിയെ സമീപിച്ചത്. നിരക്ക് കുറച്ചത് പരിശോധനാ ഫലത്തിൻ്റെ കാര്യക്ഷമതയെ ബാധിക്കുമെന്നും ഇവർ വ്യക്തമാക്കിയിരുന്നു. നേരത്തെ സംസ്ഥാനത്തെ സ്വകാര്യ ആശുപത്രികൾ ഈടാക്കുന്ന കൊവിഡ് ചികിത്സാ ചെലവ് അതീവഗുരുതരമായ സ്ഥിതിയിലാണെന്ന് ഹൈക്കോടതി നിരീക്ഷിച്ചിരുന്നു. കേരളത്തിൽ കൊവിഡ് സാഹചര്യം അതീവ ഗുരുതരമാണ്. ഈ ഘട്ടത്തിൽ സ്വകാര്യ ആശുപത്രികൾ കൊവിഡ് രോഗികളിൽ നിന്ന് ഈടാക്കുന്ന ചികിത്സാ ചെലവ് രോഗ തീവ്രതയേക്കാൾ പതിന്മടങ്ങാണെന്നും കോടതി വ്യക്തമാക്കിയിരുന്നു.
Find out more:
click and follow Indiaherald WhatsApp channel