ప్రజల కోసం పోరాడటానికి అసెంబ్లీ అనే వేదికే ముఖ్యమని గుర్తుచేశారు. ఆయన గత ఏడాదిన్నరగా అసెంబ్లీకి వెళ్లడంలేదని తెలిసినా, కనీసం ఇప్పుడు అయినా పదకొండు మంది ఎమ్మెల్యేలతో అయినా సభలో హాజరవ్వాలని సలహా ఇచ్చారు. అయితే ఉండవల్లికి జగన్‌పై నమ్మకం పోయినట్టే కనిపిస్తోంది. అందుకే ఆయన కొత్తగా పవన్ కళ్యాణ్‌నే నిజమైన ప్రతిపక్ష నేతగా వ్యవహరించాలని సూచించారు. పవన్ ముందుకు వస్తేనే రాష్ట్రానికి మంచి రోజులు వస్తాయని అన్నారు. ఇది జగన్‌కి పరోక్షంగా పెద్ద షాక్ అని చెప్పాలి. ఇక జగన్‌ రాజకీయ భవిష్యత్తుపై ఉండవల్లి చేసిన వ్యాఖ్యలు కూడా ఆసక్తికరంగా ఉన్నాయి. కూటమిని విడదీస్తేనే తన రాజకీయ భవిష్యత్‌ ఉందని జగన్‌ అనుకుంటున్నారని, అదే తప్పుడు ఆలోచన అని అన్నారు.
జగన్‌ ఐదు సంవత్సరాల పాలనలో ఏపీని నాశనం చేశారని, అయినా ఒక్క మాటా ఆయన తప్పు అని చెప్పలేదని విమర్శించారు. అంతేకాదు, గతంలో ‘మార్గదర్శి’ కేసులో జగన్‌ ప్రభుత్వానికి న్యాయపరంగా సాయం చేసిన ఉండవల్లి, ఇప్పుడు మాత్రం అదే ప్రభుత్వాన్ని విమర్శించడం రాజకీయ లెక్కలేనని వ్యాఖ్యలు వస్తున్నాయి. విభజన చట్టంపై కౌంటర్‌ వేయించని ప్రభుత్వం ఇప్పుడు పోరాడాలని ఆయన చెప్పడం విచిత్రంగా ఉందని విమర్శకులు అంటున్నారు. మొత్తానికి - జగన్‌పై ఒకప్పుడు మంచి కోరిన ఉండవల్లి ఇప్పుడు మాత్రం అసహనంతో మండిపడుతున్నారు. పవన్ పేరుతో కొత్త రాజకీయ సమీకరణాల వాసన వస్తోంది. ఇది జగన్‌కి ముందస్తు హెచ్చరికలా అనిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి