മരടിലെ അനധികൃത ഫ്ലാറ്റുകള് പൊളിച്ച് നീക്കണമെന്ന വിധിയില് ഉറച്ച് സുപ്രീംകോടതി. ഉത്തരവിനെതിരെ ഫ്ലാറ്റുടമകള് നല്കിയ ഹര്ജി തള്ളി. തന്റെ ബെഞ്ച് വിധി പറഞ്ഞ കേസില് മറ്റൊരു ബെഞ്ചില് നിന്ന് സ്റ്റേ വാങ്ങിയത് കോടതിയെ കബളിപ്പിക്കാനാണ്. കോടതിയില് തട്ടിപ്പ് നടത്താനുള്ള ആസൂത്രിതമായ ശ്രമമാണ് അഭിഭാഷകരുടെ ഭാഗത്ത് നിന്നുണ്ടായതെന്നും ജസ്റ്റിസ് മിശ്ര പറഞ്ഞു.തീരദേശപരിപാലന നിയമം ലംഘിച്ച് കൊച്ചിയിലെ മരടില് നിര്മ്മിച്ച അഞ്ച് ഫ്ലാറ്റുകള് മുപ്പത് ദിവസത്തിനകം പൊളിച്ച് നീക്കണമെന്ന് നേരത്തെ ജസ്റ്റിസ് അരുണ് മിശ്രയുടെ ബെഞ്ച് വിധിച്ചിരുന്നു. വിധിയില് ഇളവ് തേടി ഫ്ലാറ്റ് ഉടമകള് ജസ്റ്റിസ് ഇന്ദിര ബാനര്ജിയുടെ നേതൃത്വത്തിലുള്ള അവധിക്കാല ബെഞ്ചിനെ സമീപിച്ചു. വിധി പറഞ്ഞ ബെഞ്ചിന് മുമ്പാകെ ഹര്ജി ലിസ്റ്റ് ചെയ്യാനും ആറാഴ്ചത്തേക്ക് കെട്ടിടം പൊളിക്കുന്നതിന് നിര്ത്തിവെക്കാനും അവധിക്കാല ബെഞ്ച് ഉത്തരവിട്ടു. ഫ്ലാറ്റ് പൊളിക്കണമെന്ന് നിലപാടിൽ മാറ്റമില്ല എന്ന് കോടതി വ്യക്തമാക്കി.
click and follow Indiaherald WhatsApp channel