బిగ్ బాస్ ఇచ్చిన సీక్రెట్ టాస్క్ కాస్త వీరి స్నేహ బంధానికి బీటలు వారేలా చేసింది. బంగారు కోడిపెట్ట ఇంటి సభ్యులను కుదురుగా ఉండడనివ్వడం లేదు. నిన్నటి ఎపిసోడ్ లో షన్ను, జెస్సి, సిరిలను మీ పిచ్చి స్నేహం వద్దంటూ ఫైర్ అయ్యాడు. జశ్వంత్ కి బిగ్ బాస్ దొంగలించి ఈ ముగ్గురి బాస్కెట్ లలో జీరో ఎగ్స్ ఉండేలా చేయాలని సూచించారు. అందుకు తనకు ఓ వ్యక్తి సాయం తీసుకోవచ్చు అని తెలిపారు. దాంతో జశ్వంత్, సిరి సహాయం తీసుకుని సీక్రెట్ గేమ్ ను ఆడాడు. ఈ క్రమంలో షన్ను దగ్గరున్న గుడ్లను తీసుకోగా షన్ను సైలెంట్ గా ఇచ్చేసాడు. అయితే నిన్నటి ఎపిసోడ్ లో సీక్రెట్ టాస్క్ విషయం కాస్త రివీల్ అవడంతో జెస్సి సిరి లపై మండిపడ్డాడు షన్ను.
మిమ్మల్ని నమ్మినందుకు నన్ను వెధవని చేశారు, ఎదుటి ఉండకండి వెళ్ళిపొండి అంటూ కోపంతో చిందులు వేసాడు. జస్వంత్ బాధపడుతూ దూరంగా వెళ్ళిపోయాడు. సిరి షణ్ముఖ్ వచ్చినప్పుడు బోరున ఏడ్చేసింది. అయినా షణ్ముఖ్ ఏమాత్రం పట్టించుకోలేదు. బిగ్ బాస్ పన్నిన వలలో ఇలా ముగ్గురూ బలయ్యారు. అందుకే ఇంటి సభ్యలు కాదు అప్పుడపుడు బిగ్ బాస్ కూడా శత్రువుగా మారుతుంటాడు.