മൈക്രോമാക്സിന്റെ ഇന്ത്യൻ  ഫോണുകൾ നവംബർ 3-ന് എത്തും. ഈ മാസത്തിന്റെ തുടക്കത്തിൽ മൈക്രോമാക്സ് സഹസ്ഥാപകൻ രാഹുൽ ശർമ ഒരു വീഡിയോ പുറത്ത് വിട്ടു രണ്ടാം വരവ് ഉറപ്പിച്ചു. ജൂണിൽ ഗൾവാൻ താഴ്‌വരയിൽ ഇന്ത്യൻ സൈന്യവും ചൈനീസ് സൈന്യവും തമ്മിലുണ്ടായ പോരാട്ടത്തെ തുടർന്ന് രാജ്യത്ത് ഉദയം ചെയ്ത ചൈന വിരുദ്ധ വികാരം പ്രയോജനപ്പെടുത്തിയാണ് മൈക്രോമാക്സ്. പ്രത്യേകം തയ്യാറാക്കിയ 'ഇൻ' ബ്രാൻഡിലുള്ള ഫോണുകളാണ് തിരിച്ചുവരവിൽ മൈക്രോമാക്സിന്റെ തുറുപ്പുചീട്ട്.ഈ വർഷം ഓഗസ്റ്റ് 15-നാണ് ചൈനീസ് ബ്രാൻഡുകളുടെ കടന്നുവരവിന്‌ മുൻപ് ഇന്ത്യൻ വിപണിയിലെ താരമായിരുന്ന മൈക്രോമാക്സ് തിരിച്ചുവരവിന്റെ സൂചനകൾ പുറത്തുവിട്ടത്. 


ചൈന വിരുദ്ധ വികാരവും ദേശീയതയും പരമാവധി പ്രയോജനപ്പെടുത്തും വിധം #IndiaKeLiye (ഇന്ത്യയ്ക്കുവേണ്ടി), #MicromaxIsBack, #AatmanirbharBharat (ആത്മനിർഭർ ഭാരത്) തുടങ്ങിയ ഹാഷ്ടാഗുകളോടെയാണ് ഇൻ ഫോണുകളുടെ വരവിനെപ്പറ്റിയുള്ള ടീസറുകൾ സമൂഹ മാധ്യമങ്ങളിൽ മൈക്രോമാക്സ് പോസ്റ്റ്. കഴിഞ്ഞ ദിവസം എന്നാണ് മൈക്രോമാക്‌സ് ഇൻ ഫോണുകൾ വിപണിയിലെത്തുക എന്ന് വ്യക്തമാക്കി പുറത്തുവിട്ട പോസ്റ്റും ചൈനയെ ട്രോളിയാണ് തയ്യാറാക്കിയിരിക്കുന്നത്.ഇൻ എന്നത് ഇന്ത്യ എന്നതിന്റെ ചുരുക്കെഴുത്തെഴുത്താണ്.ഒപ്പം 'വരൂ മധുരം കുറയ്ക്കാം' എന്ന് ഹിന്ദിയിൽ എഴുതിയിട്ടുണ്ട്. 'ചീനി കം' എന്നാണ് ഇതിനിപയോഗിച്ചിരിക്കുന്ന പദം. ഹിന്ദി ഭാഷയിൽ ചൈനയെ 'ചീനി' എന്ന വാക്കിൽ ആണ് പരാമർശിക്കുന്നത്.


  'ഇന്ത്യക്കാരുടെ സ്മാർട്ട്ഫോൺ ബ്രാൻഡ്' എന്ന പ്രതിച്ഛായ നേടിയെടുക്കാനെത്തുന്ന മൈക്രോമാക്സിന്റെ ഇൻ ബ്രാൻഡിന് ഓറഞ്ച് നിറത്തിന് പകരം നീല നിറത്തിലുള്ള ബ്രാൻഡിംഗ് ആണ്. ഇൻ ബ്രാൻഡിന്റെ നിറവും തീമും ഇന്ത്യയുടെ സ്വന്തം നീല നിറത്തിൽ നിന്നും പ്രചോദനം ഉൾക്കൊണ്ടാണ് തായ്യാറക്കിയിരിക്കുന്നത് എന്ന് കമ്പനി അവകാശപ്പെടുന്നു.ഇൻ ബ്രാൻഡിലുള്ള മൈക്രോമാക്‌സ് ഫോണുകൾ നവംബർ മൂന്നിനാണ് അവതരിപ്പിക്കുക. ഉച്ചയ്ക്ക് 12 മണിക്ക് ഓൺലൈൻ ആയാണ് പരിപാടി. ഒപ്പം പുറത്ത് വിട്ട ടീസറിൽ ഒരു ഗ്ലാസിൽ ആവി പറക്കുന്ന ചായയുടെ ചിത്രമാണ്. മൈക്രോമാക്സ് ഇൻ 1, ഇൻ 1a എന്നിങ്ങനെയാവും പേരുകൾ.



 ഒന്ന് മീഡിയടെക് ഹീലിയോ G35 പ്രൊസസ്സറും മറ്റൊന്ന് മീഡിയടെക് ഹീലിയോ G85 പ്രൊസസ്സറും ഉപയോഗിച്ചാണ് പ്രവർത്തിക്കുക. മീഡിയടെക് ഹീലിയോ G35 പ്രോസസ്സർ ഉപയോഗിച്ച് പ്രവർത്തിക്കുന്ന സ്മാർട്ട്ഫോണിന് 6.5-ഇഞ്ച് എച്ഡി+ ഡിസ്‌പ്ലേയും, 2/3 ജിബി റാമും, 5000mAh ബാറ്ററിയും, സ്റ്റോക്ക് ആൻഡ്രോയിഡ് ഓപ്പറേറ്റിംഗ് സിസ്റ്റവുമാവും എന്നാണ് റിപ്പോർട്ട്. 2 ജിബി വേരിയന്റിന് ഡ്യുവൽ ക്യാമറയും 3 ജിബി വേരിയന്റിന് ട്രിപ്പിൾ ക്യാമറയും ആയിരിക്കും. 7000 രൂപയ്ക്കും 15,000 രൂപയ്ക്കും ഇടയിലാവും ഇരു ഫോണുകൾക്കും വില.ഇതുവരെയും ഇൻ ഫോണുകളെപ്പറ്റി മൈക്രോമാക്സ് ഒരു വിവരവും പുറത്തുവിട്ടിട്ടില്ല. അതെ സമയം ദി മൊബൈൽ ഇന്ത്യൻ വെബ്‌സൈറ്റിന്റെ റിപ്പോർട്ട് അനുസരിച്ച് ആദ്യം 2 സ്മാർട്ട്ഫോണുകളാണ് ഒരുങ്ങുന്നത്. 

మరింత సమాచారం తెలుసుకోండి: