కొబ్బరి యాపిల్ హాల్వా ఎప్పుడైనా తిన్నారా? ఎంత బాగుంటుందో తెలుసా? మరి అంత బాగుండే కొబ్బరి హల్వాను మీరు ఎప్పుడైనా తిన్నారా? పోషకాలు ఉండే ఈ కొబ్బరీ యాపిల్ హల్వాను పిల్లలు కూడా ఎంతో ఇష్టంగా తింటారు. మరి అలాంటి ఈ యాపిల్ కొబ్బిరి హల్వాను ఎలా చెయ్యాలి అనేది ఇక్కడ చదివి తెలుసుకోండి.. రుచిని ఆస్వాదించండి..
కావాల్సిన పదార్ధాలు..
చక్కెర, చిక్కనిపాలు, పచ్చికొబ్బరి తురుము - 1 కప్పు,
యాపిల్ - ఒకటి,
డ్రై ఫ్రూట్స్‌ పలుకులు - గుప్పెడు,
నెయ్యి - 2 చెంచాలు,
యాలకుల పొడి - అరచెంచా.
తయారీ విధానం..
ఒక గిన్నెలో పాలు, చక్కెర, యాపిల్ తురుము వేసి కలిపి ఆ గిన్నెను స్టౌ మీద పెట్టి సన్నని మంట మీద 10 నిమిషాలు ఉడికించాలి. ఆ మిశ్రమం చిక్కబడ్డాక డ్రైఫ్రూట్స్‌ పలుకులు, చెంచా నెయ్యి కలిపి 2 నిమిషాలు ఉడకనివ్వాలి. ఆ తర్వాత కొబ్బరి తురుము, యాలకులపొడి వేసి మరోసారి కలిపి మరో చెంచా నెయ్యి కలిపి 5 నిమిషాలు ఉడికించుకొంటే వేడివేడి రుచికరమైన హల్వా తయారవుతుంది. మంచి రంగు రావాలి అంటే కాస్త ఫుడ్ కలర్ వేసుకుంటే చూడటానికి కూడా అందంగా కనిపిస్తుంది.
