ఇక భర్తను కోల్పోయి ఆర్థిక ఇబ్బందుల్లో ఉన్న మహిళలను ఆదుకోవడమే లక్ష్యంగా 18 నుంచి 60 సంవత్సరాల వయసున్న మహిళలకు వితంతువుల దరఖాస్తు చేసుకోవచ్చు. ముఖ్యంగా వితంతువులు మరణించిన తర్వాత వారి వారసులు లేదా ఇతర కుటుంబ సభ్యులు ఈ పథకానికి అర్హులు కారు అన్న విషయాన్ని గుర్తించాలి. ఇక ఈ పథకం కింద నేరుగా లబ్ధిదారుల బ్యాంకు ఖాతాలో నెలకు రూ.300 నుంచి గరిష్టంగా రూ.2000 వరకు అందజేస్తారు వార్షిక ఆదాయం రెండు లక్షల కంటే తక్కువ ఉన్న వితంతువులకు మాత్రమే ఈ ఆర్థిక సహాయాన్ని కేంద్ర ప్రభుత్వం అందిస్తుంది.
ఇక తమిళనాడు రాష్ట్రం విషయానికొస్తే ఈ పథకం కింద వితంతులకు నెలకు రూ.1000 ఆర్థిక సహాయాన్ని అందజేస్తున్నారు. దారిద్రరేఖకు దిగువన వున్న వితంతువులు మాత్రమే ఈ పథకం కింద ప్రయోజనం పొందుతారు. ముఖ్యంగా ఈ పథకం యొక్క ప్రయోజనాలు ఏ ఇతర పెన్షన్ పథకాన్ని పొందని మహిళలకు మాత్రమే అందించబడుతుంది. దరఖాస్తు చేసుకోవాల్సిన మహిళల వయోపరిమితి 18 నుండి 60 సంవత్సరాల మధ్య ఉండాలి. ఇక భర్త చనిపోయిన తర్వాత మళ్లీ పెళ్లి చేసుకుంటే.. ఈ పథకం కింద ప్రయోజనం పొందలేరు. అభ్యర్థి యొక్క పాస్ పోర్ట్ సైజ్ ఫోటోగ్రాఫ్, ఐడెంటి ప్రూఫ్, వయసు సర్టిఫికెట్, బ్యాంకు పాస్ బుక్ , ఆదాయ ధ్రువీకరణ పత్రం, భర్త మరణ ధృవీకరణ పత్రం వంటివి దరఖాస్తు కోసం అందించాల్సి ఉంటుంది.
