ఇప్పటికే చాలామంది ప్రముఖులు ఈ ఆక్సిజన్ బ్యాంకులను స్థాపించడానికి ప్రయత్నాలు చేసి సక్సెస్ అవగా తెలుగునాట చిరంజీవి ఆక్సిస్ బ్యాంకు కి శ్రీకారం చుట్టాడు. గుంటూరులో ప్రారంభం కాబోతున్న ఈ ఆక్సిజన్ బ్యాంకు యొక్క ఆక్సిజన్ సిలిండర్ లను ప్రత్యేకంగా పర్యవేక్షించారు మెగాస్టార్ చిరంజీవి. ఇప్పటికే ఎన్నో సేవా కార్యక్రమాలతో ప్రజల్లో దేవుడిగా ఉన్న మెగాస్టార్ చిరంజీవి ఆక్సిజన్ బ్యాంకు నెలకొల్పడం ద్వారా వారి మనసుల్లో గుడి కట్టుకున్నారు. బ్లడ్ బ్యాంక్ ద్వారా నిత్యం ప్రజలకు సేవ చేస్తూ ఉన్న చిరంజీవి కోవిడ్ నేపథ్యంలో మొదటి నుంచి ప్రజలకు అండగా ఉంటున్నారు. ఈ నేపథ్యంలోనే ప్రజలు కొరత గా భావిస్తున్న ఆక్సిజన్ బ్యాంకును ఏర్పాటు చేశారు.
కర్ణాటకలో ఇప్పటికే ఆక్సిజన్ బ్యాంకును ఏర్పాటు చేయగా తెలుగు రాష్ట్రాల్లో ఇవ్వాళ తొలి ఆక్సిజన్ బ్యాంకు చిరంజీవి ద్వారా అందుబాటులోకి రానుంది. ఈ పనులన్నీ చిరంజీవి తనయుడు రామ్ చరణ్ దగ్గరుండి చూసుకుంటున్నారట. ఆయా ప్రాంతాల్లో చిరంజీవి అభిమాన సంఘాల సీనియర్ అధ్యక్షులు ఎక్కడికక్కడ ఈ బ్యాంకు ఏర్పాటు బాధ్యతలను చూసుకుంటున్నారు. చిరంజీవి అండగా మెగా అభిమానులు సైతం కార్యక్రమంలో పాల్గొనడం జరుగుతుంది. తమవంతు విరాళాలు అందించడం గొప్ప విషయం అని చెప్పవచ్చు. ఏదేమైనా సినిమా హీరోలు ప్రజల ఆరోగ్యం కోసం ఇంత చేయడం గొప్ప విషయం అని చెప్పవచ్చు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి