സിനിമാറ്റോഗ്രാഫ് നിയമ ഭേദഗതി; സിനിമാ മേഖലയിലുള്ളവരുമായി കൂടിയാലോചന യോഗം നടത്തും! സിനിമാറ്റോഗ്രാഫ് നിയമത്തിലെ ഭേദഗതികൾ സംബന്ധിച്ചാണ് ഇന്ത്യൻ ഇൻഫർമേഷൻ ആൻഡ് ബ്രോഡ്കാസ്റ്റിംഗ് മന്ത്രാലയം ചലച്ചിത്ര വ്യവസായ മേഖലയിലുള്ള പ്രമുഖരുമായി കഴിഞ്ഞ ദിവസം മുംബൈയിൽ കൂടിക്കാഴ്ച നടത്തിയത്. ബിൽ നടപ്പിലാക്കുന്നതിൽ സർക്കാരിനും സിനിമ മേഖലയ്ക്കും ഇടയിൽ ഒരു സമവായം രൂപപ്പെടുത്തുന്നതിന് മുന്നോടിയായാണ് ഈ യോഗം. സിനിമാറ്റോഗ്രഫി നിയമം 1952 ഭേദഗതി ചെയ്തുകൊണ്ട് കേന്ദ്രസർക്കാർ നടപ്പിലാക്കാനിരിക്കുന്ന സിനിമാറ്റോഗ്രഫി ഭേദഗതി ബിൽ വിഷയത്തിൽ ചലച്ചിത്ര വ്യവസായ മേഖലയിലുള്ളവരുമായി ചർച്ച നടത്തി കേന്ദ്രസർക്കാർ.
പോളിസി മേക്കിംഗും പോളിസി എക്സിക്യൂട്ടീവും ശരിയായ തുല്യത കൈവരിക്കേണ്ടതുണ്ട്. എൻഎഫ്‍ഡിസി ചെയ്തതുപോലെ ചലച്ചിത്രനിർമ്മാണം പ്രോത്സാഹിപ്പിക്കപ്പെടണം. എന്നാൽ സിബിഎഫ്സി സർട്ടിഫിക്കേഷൻ, ഫിലിം ആർക്കൈവ്, പൈറസി എല്ലാം മെച്ചപ്പെടണമെന്നും കൂടിക്കാഴ്ച വിജയകരമായിരുന്നുവെന്നും സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ ചെയർമാൻ പ്രസൂൺ ജോഷി അഭിപ്രായപ്പെട്ടതായി എഎൻഐ റിപ്പോർട്ട് ചെയ്തിട്ടുണ്ട്. സെൻസർഷിപ്പ് അധികാരം വൈകാതെ കേന്ദ്രസർക്കാരിൻറെ കൈകളിലാകുമെന്നാണ് ഇതിലൂടെ അറിയാനാകുന്നത്. സിഡിഎഫ്‌സിയുടെ സ്വയംഭരണാധികാരം കവർന്നെടുക്കുകയല്ലാതെ മറ്റൊന്നും ഈ ഭേദഗതി ചെയ്യുന്നില്ലെന്ന് വ്യക്തമാക്കിക്കൊണ്ട് സിനിമാ മേഖലയിൽ നിന്നുള്ളവർ ഉൾപ്പെടെ നിരവധി ആളുകൾ ഭേദഗതിയെ എതിർത്തുകൊണ്ട് രംഗത്തെത്തുകയുമുണ്ടായിട്ടുണ്ട്.
പുതിയ കരട് 1952 ലെ സിനിമാറ്റോഗ്രാഫ് നിയമം ഭേദഗതി ചെയ്യാനുള്ള നിർദ്ദേശത്തിലൂടെ അത് കേന്ദ്രത്തിന് റിവിഷണറി അധികാരങ്ങൾ നൽകുകയും സിബിഎഫ്സി ഇതിനകം അനുമതി നൽകിയ സിനിമകൾ പുനഃപരിശോധിക്കാൻ പ്രാപ്തി നൽകും എന്നതാണ് വസ്തുത. സിനിമാറ്റോഗ്രഫി നിയമം 1952 ഭേദഗതി ചെയ്തുകൊണ്ടാണ് സിനിമാറ്റോഗ്രഫി ഭേദഗതി ബിൽ കേന്ദ്രസർക്കാർ കൊണ്ടുവരുന്നത്. ഇതിലൂടെ അംഗീകാരമില്ലാതെ സിനിമകൾ വീഡിയോയിൽ പകർത്തുന്നതിനും സിനിമയുടെ വ്യാജപതിപ്പുകൾ ഉണ്ടാക്കുന്നതിനും പിഴ വ്യവസ്ഥ ഉൾപ്പെടുത്തിക്കൊണ്ട് സിനിമാമോഷണം നിയന്ത്രിക്കുകയെന്നതൊക്കെയാണ് ബിൽ ലക്ഷ്യമിടുന്നത്.
സിനിമയിലെ വ്യാജന്മാർക്കെതിരെ നടപടി കടുപ്പിക്കുന്നതിൻറെ ഭാഗമായാണിതെന്നാണ് കേന്ദ്രസർക്കാർ പറയുന്നത്. സിനിമയുടെ വ്യാജ പതിപ്പ് ഉണ്ടാക്കിയാൽ ജയിൽ ശിക്ഷയ്ക്കാണ് ശുപാർശ. ഇതിനായുള്ള കരട് ബിൽ കേന്ദ്രസർക്കാർ പുറത്തിറക്കിയിരിക്കുകയിട്ടുമുണ്ട്. നിലവിൽ സെൻസർ ബോർഡുകളാണ് സിനിമകളുടെ പ്രദർശനത്തിന് അനുമതി നൽകിക്കൊണ്ടിരിക്കുന്നത്. എന്നാൽ പുതിയ സിനിമാറ്റൊഗ്രാഫ് ഭേദഗതി വരുന്നതോടെ കേന്ദ്രസർക്കാരിനും സെൻസർ ബോർഡിൻറെ തീരുമാനത്തിൽ ഇടപെടാനാകുമെന്നതാണ് മാറ്റം വരുന്നത്. അതായത് സെൻസർ ബോർഡ് അനുമതി നൽകിയ സിനിമകൾ വേണ്ടിവന്നാൽ കേന്ദ്രസർക്കാരിന് പുനഃപരിശോധിക്കാം.
Find out more:
click and follow Indiaherald WhatsApp channel