'അമ്മ'; ഐസിസി അധ്യക്ഷ സ്ഥാനം ശ്വേത മേനോൻ രാജിവെച്ചു! യുവ നടിക്കെതിരെയുള്ള ബലാത്സംഗ ആരോപണത്തിൽ വിജയ് ബാബുവിനെതിരെ 'അമ്മ' സ്വീകരിച്ച മൃദു സമീപനത്തിൽ പ്രതിഷേധിച്ചാണ് രാജി. ഐസിസി അംഗമായ മാല പാർവതി കഴിഞ്ഞ ദിവസം ഐസിസിയിൽ നിന്ന് രാജിവെച്ചിരുന്നു. 'അമ്മ' സംഘടനയുടെ ആഭ്യന്തര പരാതി പരിഹാര സെൽ അധ്യക്ഷ സ്ഥാനത്തുനിന്നും നടി ശ്വേത മേനോൻ രാജിവെച്ചു. അമ്മയിലെ എക്സി.കമ്മിറ്റി അംഗമായ വിജയ് ബാബുവിനെ സസ്പെൻഡ് ചെയ്യുകയോ തരം താഴ്ത്തുകയോ ചെയ്യണമെന്നായിരുന്നു കമ്മിറ്റി ആവശ്യപ്പെട്ടിരുന്നത്.
വിജയ് ബാബുവിനെതിരെ നടപടിയെടുക്കണമെന്ന് 'അമ്മ'യിലെ ഇൻറേണൽ കംപ്ലയിൻറ് കമ്മിറ്റി അധ്യക്ഷയായ ശ്വേത മേനോൻ കഴിഞ്ഞ ദിവസം ശുപാർശ ചെയ്തിരുന്നു. എന്നാൽ നിരപരാധിത്വം തെളിയുന്നതുവരെ താൻ എക്സി.കമ്മിറ്റിയിൽ നിന്ന് മാറി നിൽക്കാമെന്ന് കാണിച്ച് വിജയ് ബാബു അമ്മയ്ക്ക് അയച്ച കത്ത് അംഗീകരിക്കുക മാത്രമാണ് കഴിഞ്ഞ ദിവസം അമ്മ എക്സിക്യുട്ടീവ് ചെയ്തത്. ഇതിൽ പ്രതിഷേധിച്ചാണ് മാല പാർവതിയും ഇപ്പോൾ ശ്വേതയും രാജിവെച്ചിരിക്കുന്നത്. ശ്വേത മേനോൻ, മാല പാർവതി, രചന നാരായണൻകുട്ടി, കുക്കു പരമേശ്വരൻ തുടങ്ങിയവരടങ്ങുന്ന ഐസി കമ്മിറ്റി വിജയ് ബാബുവിനെതിരെ ശക്തമായ നടപടി സ്വീകരിക്കണമെന്ന് രേഖാമൂലം അറിയിച്ചിരുന്നു. ഇരയുടെ പേര് വെളിപ്പെടുത്തിയതിലൂടെ സുപ്രീം കോടതിയെ വെല്ലുവിളിക്കുകയാണ് അദ്ദേഹം ചെയ്തത്.
അത് അംഗീകരിക്കാനാവുന്നതല്ലെന്നും കമ്മിറ്റി ശുപാർശ ചെയ്തിരുന്നു. വിജയ് ബാബുവിനെതിരെ നടപടിയുണ്ടായില്ലെങ്കിൽ എക്സിക്യുട്ടീവ് സ്ഥാനത്തുനിന്നും മാറുമെന്ന് കഴിഞ്ഞ ദിവസം നടൻ ബാബുരാജും വ്യക്തമാക്കിയിരുന്നു. അതേസമയം യുവനടിയെ പീഡിപ്പിച്ച കേസന്വേഷണം പുരോഗമിക്കുന്നതിനിടെ ഒളിവിൽ കഴിയുന്ന നടനും നിർമ്മാതാവുമായ വിജയ് ബാബുവിനെതിരെ നടപടിയെടുക്കാൻ 'അമ്മ' താര സംഘടന. നടി ശ്വേത മേനോൻ ചെയർ പേഴ്സണായ ഇന്റേണൽ കമ്മിറ്റിയിൽ മാലാ പാർവതി, കുക്കു പരമേശ്വരൻ, രചന നാരായണൻകുട്ടി, ഇടവേള ബാബു, അഡ്വ. അനഖ എന്നിവരാണ് അംഗങ്ങളായുള്ളത്.
'അമ്മ'യുടെ എക്സിക്യൂട്ടീവ് കമ്മിറ്റി അംഗമാണ് വിജയ് ബാബു. അടുത്തിടെ നടന്ന എക്സിക്യുട്ടീവ് കമ്മിറ്റി തിരഞ്ഞെടുപ്പിൽ വിമതനായി മത്സരിച്ചാണ് എക്സിക്യുട്ടീവ് കമ്മിറ്റി അംഗമായി വിജയ് ജയിച്ചിരുന്നത്. വിജയ് ബാബുവിനെതിരെ നടപടി എടുക്കുന്നതിന് മുന്നോടിയായി താര സംഘടനയായ അമ്മ നിയമോപദേശം തേടിയതായും റിപ്പോർട്ടുണ്ട്. നിയമോപദേശം ലഭിച്ചാലുടൻ നടപടിയുണ്ടാകുമെന്നാണ് അറിയാനാകുന്നത്. വിജയ് ബാബുവിനെതിരെ നടപടിയെടുക്കണമെന്ന് 'അമ്മ'യിലെ ഇൻറേണൽ കംപ്ലയിൻറ് കമ്മിറ്റി അധ്യക്ഷയായ ശ്വേത മേനോൻ കഴിഞ്ഞ ദിവസം ശുപാർശ ചെയ്തിരുന്നു. എന്നാൽ നിരപരാധിത്വം തെളിയുന്നതുവരെ താൻ എക്സി.കമ്മിറ്റിയിൽ നിന്ന് മാറി നിൽക്കാമെന്ന് കാണിച്ച് വിജയ് ബാബു അമ്മയ്ക്ക് അയച്ച കത്ത് അംഗീകരിക്കുക മാത്രമാണ് കഴിഞ്ഞ ദിവസം അമ്മ എക്സിക്യുട്ടീവ് ചെയ്തത്. ഇതിൽ പ്രതിഷേധിച്ചാണ് മാല പാർവതിയും ഇപ്പോൾ ശ്വേതയും രാജിവെച്ചിരിക്കുന്നത്.
Find out more:
click and follow Indiaherald WhatsApp channel