టాలీవుడ్ అగ్ర హీరో సూపర్ స్టార్ మహేష్ బాబు నటిస్తున్న 28 వ చిత్రాన్ని మాటల మాంత్రికుడు త్రివిక్రమ్ శ్రీనివాస్  తెరకెక్కిస్తున్నాడు. ఇప్పటికే తొలి షెడ్యూల్ షూటింగ్ పూర్తి చేసుకున్న ఈ సినిమా రెండో షెడ్యూల్‌ను ఇంకా స్టార్ట్ చేయలేదు.ఇటీవల మహేష్ తల్లిగారు ఇందిరాదేవి గారు మృతి చెందడంతో, ఆయన తన ఫ్యామిలీకే ఎక్కువ సమయాన్ని కేటాయిస్తున్నారు. దీంతో ఈ సినిమాకు సంబంధించిన రెండో షెడ్యూల్ ఎప్పుడెప్పుడు పట్టాలెక్కుతుందా అని అందరూ ఆసక్తిగా ఎదురుచూస్తున్నారు.అయితే ఇటీవల తన ఫ్యామిలీతో కలిసి లాంగ్ వెకేషన్‌కు వెళ్లిన మహేష్ బాబు, తాజాగా హైదరాబాద్ తిరిగి వచ్చారు. దీంతో మహేష్-త్రివిక్రమ్ మూవీ గురించి మళ్లీ సోషల్ మీడియాలో చర్చ మొదలైంది. ఈ సినిమాకు సంబంధించిన రెండో షెడ్యూల్ త్వరలోనే స్టార్ట్ కాబోతుందని చిత్ర నిర్మాత సూర్యదేవర నాగవంశీ  వెల్లడించారు. 


దీంతో మహేష్ అభిమానులు మరోసారి ఈ సినిమాను ట్రెండ్ చేస్తున్నారు.ఇక ఈ సినిమాలో మహేష్‌ను సరికొత్త అవతారంలో మనకు చూపించేందుకు త్రివిక్రమ్ రెడీ అవుతుండగా, మహేష్ సరసన అందాల భామ పూజా హెగ్డే హీరోయిన్‌గా నటిస్తోంది. కాగా ఈ సినిమాకు థమన్ సంగీతం అందిస్తుండగా, ఈ సినిమాను 2023 ఏప్రిల్ 28న రిలీజ్ చేసేందుకు చిత్ర యూనిట్ ప్లాన్ చేస్తోంది. మరి ఈ సినిమా రెండో షెడ్యూల్‌ను ఎప్పుడు స్టార్ట్ చేస్తారా అనేదానిపై అఫీషియల్ అనౌన్స్‌మెంట్ అయితే రావాల్సి ఉంది.ఖచ్చితంగా వచ్చే నెల అయిన నవంబర్ లోనే స్టార్ట్ చేస్తారు. కానీ ఏ తేదీన స్టార్ట్  చేస్తారో అనే దానిపై ఇంకా అప్డేట్  అనేది రావాలి. ఇక ఈ సినిమా తరువాత మహేష్ రాజమౌళి దర్శకత్వంలో తన 29 వ సినిమా పాన్  వరల్డ్  రేంజ్ లో చెయ్యనున్నాడు.ఈ రెండు సినిమాల కోసం అభిమానులు ఎంతగానో ఎదురు చూస్తున్నారు. మరి అవి ఎలా ఉంటాయో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

SSMB28

Purushottham Vinay

31/10/2022 06:15 PM