అయితే గత కొద్దిరోజులుగా దేవర సినిమా వాయిదా పడుతుందని ప్రచారం అయితే కొనసాగుతోంది.ఇప్పుడు ఈ విషయం నిజం చేస్తూ ఏప్రిల్ 5 కాకుండా అక్టోబర్ 10వ తేదీన రాబోతోంది అంటూ అధికారికంగా చిత్ర బృందం పోస్టర్ ద్వారా తెలియజేశారు. దసరా పండుగకు ముందు ఈ సినిమాని తీసుకురాబోతున్నట్లు తెలిపారు. 2018లో ఎన్టీఆర్ నటించిన అరవింద సమేత సినిమా కూడా దసరాకు విడుదలై మంచి విజయాన్ని అందుకుంది. ఇప్పుడు దేవర రిలీజ్ విషయంలో కూడా అదే సెంటిమెంట్ రిపీట్ అవుతుందంటూ చిత్ర బృందం భావిస్తున్నారు. దేవర సినిమా నుంచి విడుదలైన పోస్టర్లు ఎన్టీఆర్ ఏదో బరిలోకి దిగబోతున్నట్టు కనిపిస్తున్న పోస్టర్ని సైతం రిలీజ్ చేశారు.
దేవర మొత్తం రెండు భాగాలుగా రాబోతోందని జాన్వి కపూర్ తో పాటు మరొక మలయాళం ముద్దుగుమ్మ కూడా ఇందులో నటించబోతున్నట్లు సమాచారం.అయితే ఈ విషయం పైన ఇంకా అధికారికంగా ప్రకటన రాలేదు దేవర సినిమా తర్వాత డైరెక్టర్ ప్రశాంత్ నీల్ దర్శకత్వంలో ఎన్టీఆర్ తన తదుపరి చిత్రాన్ని చేయబోతున్నారు. ఈ సినిమా కూడా రెండు భాగాలుగా రాబోతోంది. ప్రస్తుతం ఎన్టీఆర్ గ్లోబల్ స్టార్ గా కూడా పేరు సంపాదించారు. ఏది ఏమైనా రిలీజ్ డేట్ పై క్లారిటీ వచ్చేసిందని చెప్పవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి